सोमोन्दोनि गेजेरजों सुबुं समाजाव गावजोंगाव सिनायलायनायल' नङा गावजोंगाव सनमान खालामनाय आरो अनलायनाया फैयो।
बर' सुबुंफोरा गावजोंगाव माबादि सोमोन्दो लिंलायनाय जायो बेखौ गाहायाव होनाय जाबाय ।
बिमा, बिफा, बिदा, बिगै, बिबथै, फंबाय, बिनानाव, बिमाइ, बिब', बियानै, बियादै, बिबौ, बिबै, बिमायं, बेवाइ, बिहाव, बिखुनजो, बिजामादै, बिजावजालि, आइ, आफा, बिगुमै, बिबोनां
आइ- गावनि जोनोमगिरि बिमा एबा बिखुनजोखौ गाबज्रिनाय सोमोन्दो।
आफा- गावनि जोनोमगिरि बिफा एबा बिहावखौ गाबज्रिनाय सोमोन्दो।
आदा- गावनि सोमोन्दोआव देरसिन हौवा मानसिखौ गाबज्रिनाय सोमोन्दो।
आब' - गावनि सोमोन्दोआव देरसिन हिनजाव मानसिखौ गाबज्रिनाय सोमोन्दो।
गुमै- गावनि बिब'नि फिसाइखौ गाबज्रिनाय सोमोन्दो।
आगै- गावनि उन्दैसिन गथ'फोरखौ अननानै गाबज्रिनाय सोमोन्दो।
आदै- गावनि बिफानि फंबायखौ गाबज्रिनाय सोमोन्दो।
मादै- गावनि बिमानि बिनानावखौ गाबज्रिनाय सोमोन्दो।
आमाइ- गावनि बिमानि फंबायखौ गाबज्रिनाय सोमोन्दो।
आनै- गावनि बिफानि बिनानाव एबा बिमायनि बिसिखौ गाबज्रिनाय सोमोन्दो।
आबै- गावनि बिमा एबा बिफानि बिमाखौ गाबज्रिनाय सोमोन्दो।
आबौ- गावनि बिमा एबा बिफानि बिफाखौ गाबज्रिनाय सोमोन्दो।
आयं- गावनि बिमानि बिब' एबा बिफानि बिदाखौ गाबज्रिनाय सोमोन्दो।
बेवाइ- गावनि हिनजावनि बिब' एबा फिसाइनि बिदाखौ गाबज्रिनाय सोमोन्दो।
बिखुनजो- गावनि बिसिनि बिमाखौ गुबुन मानसिफोरनो सिनायथि होनाय सोमोन्दो।
बिहाव- गावनि बिसि एबा फिसाइनि बिफाखौ गुबुन मानसिफोरनो सिनायथि होनाय सोमोन्दो।
बिबोनां - गावनि हिनजावनि बिनानाव एबा फंबायफोरखौ गुबुन मानसिफोरनो सिनायथि होनाय सोमोन्दो।
बिसालथे /साल्थे- सासे बिमानि सानै फिसाजोफोरखौ गुबुन गुबुन हौवाफोरा हाबा लानायनि उनाव गावजोंगाव गाबज्रिनाय सोमोन्दो।
बिजावजालि - बिदा फंबायनि बिसिफोरा गावजोंगाव गाबज्रिनाय सोमोन्दो।
जामायजो- गावनि बिहामजो एबा बिजामादैनि बिमाखौ गाबज्रिनाय सोमोन्दो।
बियाय- गावनि बिहामजो एबा बिजामादैनि बिफाखौ गाबज्रिनाय सोमोन्दो।
0 Comments