मासे सियाल आरो मुफुरखौ जि सान जयैनो थानायखौ नुनो मोनदोंमोन

फिनलेण्डनि अरनाव मासे हाग्रानि मुफुर आरो सियालखौ जयै सानफोर बारहोनाय नुनो मोनदोंमोन। जेरैखि जाया बिसोरखौ मानैजों लोगो जानायबादि नुदोंमोन।  

वाइल्डलाइफ फोटोग्राफर लस्सी रौटियानेनआ 10 सानसो बे सोमोनांथाव जराखौ नोजोर होबाय थादोंमोन।  

बे सियालआ देरफुनाय बांग्रिमोन। मुफुरआ मासे बुन्दामोन। गोजानाव थायालाबानो बिसोर गावजों गाव खाथि खाथि थाबाय थादोंमोन।  

बिसोर गावजों गाव खाथियाव जिरायदोंमोन। एखे जायगायावनो गिदिंथिंबाय थादोंमोन। बिसोरो मैहुर खालामनानै जाग्रा आदारखौबो रानज्लायदोंमोन।  

बेयो जोबोद सरासनस्रा नङा मानोना सियाल आरो मुफुरफोरा सरासनस्रायै हाग्रायाव गावजोंगाव बादायलायनानै थाग्रा जुनार।  

रावबो मिथियादि बिसोर मानैजों बैफोर सानाव मानो एसेबां मोजाङै गोरोबलायज्लायदोंमोन। जानो हागौ बिसोर मानैबो लाइमोन देरफुनायमोन। जानो हागौ बिसोरो मानैजों जयै रैखाथियै थानायखौ मोनदांदोंमोन।  

जाहोना जेखियानो जाया मानो, सावगारिफोरा मिथिंगायाव मोननो थाङै माबा मोनसेखौ सेबखांजादोंमोन।

मोननै जाथोनि जिब जाय गावजोंगाव बादायारि जानांगौमोन, नाथाय बेनि सोलाय दान्दिसे समनि थाखाय लोगो जानो सायख'नायखौसो नुनो मोनदोंमोन।