भारतनि महाराष्ट्र रायजोनि बाफुराव ताजनी मुंनि सासे मानसिया गुबुन जौगा हारिनि मानसिफोरजों दै खावहो जायाखैमोन। दैनि आंखालजों बुगिनांनायनि उनाव बिथाङा थाद'वाजासे आखायजोंनो दैखर गंसे जावदोंमोन। बिथाङा 40 साननि गेजेराव दै मोनदोंमोन ।
बिथाङा डि टाइमस अफ इन्डिया खौरां बिजोंनि गेजेरजों फोरमायनाय बादिब्ला बिथाङा मार्स दाननि समाव दैनि थाखाय गाबनांदोंमोन। आरो आं माब्लाबाबो रावनियावबो दै बिबायनायखौ लुबैया ।
बिथाङा खाथियाव थानाय मालेगाव मुंनि मोनसे सेरनिफ्राय दैखर जावग्रा आयजेंफोर लानानै फैदोंमोन आरो दान्दिसे उनावनो खामानिखौ थाद'वाजासे मावनो जुरिजेनदोंमोन।
ताजनी बिथाङा सासे निखावरि खामला मावनानै जाग्रा। बिथाङा सानफ्रोमबो फुंनि समावनो सिखारनानै ब्रै घन्टा दैखर जावदोंमोन आरो हाखौ नै घन्टा दिहुनगारदोंमोन । बिथाङा दैखरखौ बबेयाव बानायगोन बेखौ हरखाबनो थिग खालामदोंमोन।
बेबादिनो बिथाङा सानसेयाव द' घन्टा दैखर जावदोंमोन, 40 सान बिथाङा दै मोननाय समसिम नांथाबबाय थादोंमोन।
जेब्ला दै मोनो अब्ला बिथाङा बयखौबो लिंहरदोंमोन, बयखौबो दै लोंहोदोंमोन। जायफोर बिथांखौ जंखायदोंमोन बिसोरनो बिथाङा दै लोंहोदोंमोन।
जायफोर बिथांखौ गाज्रि मोनो आरो निखावरिनि थाखाय मिनियोमोन बिसोरबो आथिखालाव बिथांनि दैखराव दै लांनो फैयो।
0 Comments