केनियानि सासे फोरोंगिरिया गावनि बेथनखौ फरायसाफोरनि फरायनायाव बाहायदोंमोन

केनियानि सासे फोरोंगिरिया गावनि बेथनखौ 80% फरायसाफोरनि फरायनायाव मदद खालामदोंमोन। बिथांनि मुङा जादों फेटार थाबिचि।

बिथाङा गामियाव थानाय गंसे फरायसालियाव बिगियान आरो गोरलै सानखान्थि आयदा फोरोङोमोन जेराव बांसिन फरायसाफोरानो जोबोद निखावरि नखरनिमोन।

फरायसालिया एसेल' फुंखाजों दैदेनजादोंमोन। गंसेल' कम्पुटार, इन्टारेटनि जेबो खाबु गैया, आरो सोरखारनिफ्राय मोननो गोनांफोरखौबो फरायसाफोरा मोननो हायामोन। बेनिखायनो थाबिचि बिथाङा गावनि रांखौनो बाहायनो गोनां जादोंमोन।

बिथाङा फरायसालियाव नांगौ जानाय मुवा-बेसादफोरखौ गावनि रांजोंनो बायदोंमोन, फरायसाफोरनि नखरखौ मदद खालामदोंमोन, आरो जाय फरायसाफोरा फरायनायखौ नागारनो गोनां जानाय थासारियाव सफैदोंमोन बिसोरखौ फरायसालियाव लाखिनायनि थाखाय मदद होदोंमोन।

बेफोर जुजिनायनि फिथाइ महरै बिथांनि फरायसाफोरा गुन गोनां सोलोंथाइखौ मोननो हादोंमोन। रोंगौथिखौ आरजिनो हादोंमोन।

2019 मायथायाव थाबिचि बिथाङा मुलुगनि साबसिन फोरोंगिरि ग्लबेल फोरोंगिरि बान्थानि थाखाय सायख'जादोंमोन । बे बान्थायाव दंमोन $1 निजुत (आमेरिकानि दलार)।

बिथाङा फरायसाफोरनि गोनांथिखौ होदोंमोन आरो मुलुगा बिथांनो एसेब्लाबो अननाय आरो मोनसे गेदेर थुलुंगायारि सनमान होफिनदोंमोन।