जिसुनि मुसुखानि आथिंनिफ्राय गनाय दैखौ मानसिफोरा लोंदोंमोन

2012 मायथायाइव मुम्बाइनि मोनसे गिर्जायाव माबा मोनसे सोमोनांथाव जाथाय जाजेनदोंमोन। मानसिफोरा जिसुनि मुसुखानि आथिंनिफ्राय दै गबोनायखौ नुनो मोनदोंमोन ।

मानसिफ्रा बेखौ मोनसे सोमोनांथाव सानदोंमोन आरो बेखौ 'जिसुनि मोदै' होननानै बुंदोंमोन । मुसुखाखौ नायनो थाखाय गोबांथार सुबुंफोरा होंगो-दोंगो खालामदोंमोन आरो खायसेया बेखौ माबा मोनसे फाहामनो हानाय गोहो दं होननानै फोथायनानै दैखौबो बुथुमदोंमोन आरो लोंदोंमोन।

नाथाय सन्देहगोनां सनल एडामारुकुआ सासे इन्जिनियारजों लोगोसे बेखौ नायदोंमोन आरो जोबोद बाङाइ सोमोनांथाव बेखेवथि मोनदोंमोन।

इन्जुरनि उनथिं खाथिनि खिखरसालिजों नांजाबनाय मोनसे होथेनाय पाइप दंमोन। दै कंक्रिटआव गगासिनो दंमोन आरो केपिलरी एक्सनेशनजों इन्जुर गेजेरजों थांगासिनो दंमोन, जोबनायाव मुसुखासिम सौहैदोंमोन आरो बिनि आथिंनिफ्राय मैला गोनां दैया गबोदोंमोन।

एडामारुकुआ जायखौ मोनबाय बेखौ मानसिफोरनो बेखेवनानै खिन्थादोंमोन आरो बे मैला दैखौ लोंनो नाङा होनना बादा होदोंमोन।

बेयो मोनसे गेदेर दोहोरोमारि दावराव-दावसि सोमजिहोदोंमोन, बिथांखौ बुथारनायनि हुमकि होनाय जादोंमोन आरो भारतनि ईशर निंदा आयेननि सिङाव आयेनारि जेंना सोमजिहोदोंमोन। जोबथारनायाव बिथांखौ भारत नागारना फिनलेण्डआव होखारहरनो गोनां खालामदोंमोन।

रोजा-रोजा सुबुंफोरा फोथायदोंमोनदि बिसोरो जिसुनि आथिंनिफ्राय गोथार दै लोंगासिनो दंमोन जेब्लासिम मोनसे नायबिजिरनायाव मिथिनो मोनोदि दैया थारैनो बबेनिफ्राय फैगासिनो दं ।