बारसे थास' बिबारनि सल'
सासे माहाजोननि बारियाव फांसे गलाब बिबारनि बिफां दंमोन। बेनि सेरावनो सानसेखालि थास' बिबार रज'दोंमोन । मोनसे समावनो गलाब बिबार आरो थास' बिबारनि बिबार बारदोंमोन । माहाजोननि फिसाफोरा सानफ्रोमबो गलाब बिबारखौ नायनानै जोबोद गोजोननाय मोनदोंमोन। बिसोरो गलाब बिबारजों गेलेदोंमोन। गावखौ नायसनैनि थाखाय थास' बिबारा जोबोद दुखु मोनदोंमोन। रावजोंबो अनसाय जायैनि थाखाय बियो इनायनो दुखु मोनदोंमोन। गावखौ बियो गोसोजों गोसो आं थास' बिबार जानानै उजियालासेनो गलाब बिबार जानानै उजिबासो सानदोंमोन। गावखौ थास' बिबार खालामनानै जोनोम होनायनि थाखाय बियो अबंलावरिखौ साव होदोंमोन। बेबादि समावनो सानसेखालि माहाजोननि बिसिया थास' बिबारखौ खानानै मैगं खादायाव लानायसै अब्ला थास' बिबारा जोबोद गोजोननाय मोननायसै। बियो खुसिजोंनो मैगं खादायावनो मोसानो हमनायसै। बेबादिनो माहाजोननि बिसिया थास' बिबारखौ ओंख्रि संनायसै आरो नखरनि बयबो सालाय सोलास्लिबलायनाय जानो हमनायसै होनबा थास' बिबारा गावनि खुसिखौनो लाथ्रलायनो हायासै। बियो साननायसै, फैगोन जोनोमावबो आंखौ अबंलावरिया थास' बिबार खालामनानै जोनोम होबावथों।
0 Comments