दाउस्रि बिमा आरो मासे दाउखानि सल’
मासे दाउस्रिया गय बेदायाव बासा लादोंमोन। बेवहायनो बिनि फिसाफोरा देरबोदोंमोन। लोगोसे गय फिथाइफोराबो मोनबोदोंमोन।
सानसेखालि बेरे फुंजानि दाउखाया बिरबोनानै खाथियाव बाफैदोंमोन आरो दाउस्रिखौ बुंदोंमोन- “नै बिनानाव दिनै बिगोमाया सोरांस्लाब मोनै गय फिथाइफोरखौ खानानै फानहरनो सावरायलायदों। सानजौनाय लोगो लोगो माखासे गय खाग्राफोरा गय फिथाइखौ खानो फैगोन। बेनिखायनो नोङो दानो बहाबा फिसाफोरखौ लानानै थांदो नङाब्ला नोंहा खैफोदाव गोग्लैसिगोन। आंबो नोंखौ नोंनि फिसाफोरखौ बोथ्रोदनायाव हाजासे मदद खालामगोन।”
दाउस्रि बिमाया दाउखानि बाथ्राखौ फोथायनो हायाखैमोन। बबेखानि बियो दाउखाखौ एसेबो मोजां मोनामोन। बियो सानदोंमोन, दाउखाया आंनि फिसाफोरखौ मोनजानायनिसो सोलो खालामदों। बिनि आसुगुर आरो गुस्थिया जिबादि गोफार गोफार आंनि फिसाखौ मोननाय लोगो लोगोनो बियो गोजानाव लानानै थांगोन। बियो दाउखाखौ बुंदोंमोन, “आंहा जेखि जायामानो जाथों। नोंहा माथो नांजानांगौ जाखो? नोंथाङा दानो थांफिननो हासिगोन।”
दाउखाया बुंफिनदोंमोन, “बिनानावा आंखौ गोरोन्थि साननो नाङा। आं गुबुन दाउखाफोरबादि नङा। आं खोथा होयो, आं नोंखौ मदद खालामगोन।”
दाउस्रि बिमाया बिखौ एसेबो फोथायथाराखिसै। बियो दाउखाखौ थिनहरफिनथारनायसै। दाउखाया लाजिनानै गोजानाव बिरलांफिनदोंमोन। दाउस्रिया गावनि गोसोबादिनो दुब्लिनिफ्राय गुमा हमनानै फिसाफोरनो जाहोफैदोंमोन। बिसोरो बयबो जेबो जिंगा आरो गिनाय गैयाजासे रंजा-बाजायैनो समखौ बारहोहरदोंमोन।
सानजौफु जानाय लोगो लोगो गय हानग्राफोरा गय फिथाइखौ हानफैनायसै। गय फिथाइजों लोगोसे दाउस्रि फिसाफोरा हायाव गोग्लैफानायसै आरो गासैबो थैजोबनायसै। अब्लासो दाउस्रि बिमाया जोबोद गाबनायसै आरो दाउखानि खोथा बुंनायखौ गोसोखांफिननायसै।
0 Comments