अननायनि सिमाखौ लाखिनांगौ
अननाया मोनसे हायना नांनाय । इंराजियाव बेखौ गोसो-गोरबोनि मोनसे हर्मन होनना बुंगोन। सासे मानसिया गुबुन माबा मोनसे मुवा एबा जिबिफोरनि सायाव हायना नाङो । हायना नांनायनि जाहोनफोरा गुबुन गुबुन जानो हागौ जेरै- समायनानि सायाव, गुन एबा आखुथाइनि सायाव आरो खायसे हेफाजाबनि सायाव।
मुलुगनि गासै जिबिफोरनियावनो हायना नांनाय आरो हायना फोनांनो हानाय गुन आरो गोहोआ थायो। खायसे मुवाफोराबो खायसे जिबिफोरखौ गोरलैयैनो हायना फोनांनो हागौ। बेबादिनो मानसिफोरखौ गोबांथार मुवाफोरानो हायना फोनांनो हायो।
मिथिंगानि गासै मुवाफोरनि मादाव बिबारा बयखौबो हायना फोनांनो हानाय मुवा। बिनि समायना, मोदोमफ्रु आरो नोरोमथियानो बयखौबो मोजां मोननाय सोमजिहोयो। बियो बयखौबो गुरै खालामो।
बिबारखौ बयबो मोजां मोनो, थेवबो जों बिबारखौ खानानै नोस्थो खालामो । बेबादिनो जोंनि मोजां मोननाया आवसारि । बांद्राय मोजां मोननानैनो मानसिया बिबारखौ गाज्रि खालामो। बांद्राय मोजां मोननानै मानसिफोरा गुबुन मानसिफोरखौबो गाज्रि खालामो।
अननायनि सिमाखौ जेब्लाबो लाखिनांगौ। जों जोंनि मेगनजोंनो अननायनि थाखाय गोबां मानसिफोरखौ गाज्रि जानाय नुगासिनो दं। सोरनिबा बांद्राय अननाय मोननानै खायसे मानसिफोरा दुगा जायो, खायसे अख्रा जायो, आरो खायसे अलसिया जायो। गासैबो मानसिखौ अननांगौ नाथाय अननानै जाहाथे बियो गाज्रि जाया बेखौ जेब्लाबो नोजोर लाखिनांगौ।
0 Comments