मासे दाउसिननि गाबनाय
फांसे बिफांनि दालाइयाव बानानै
मासे दाउसिना मेथाइ रोजाबदोंमोन
जोबोद गोदै रैसुमै मेथाइ
बिनि मेथाइयाव बिफां
बिफांनि सिङाव जिरायनानै थानाय सासे मानसि
इनायनो गोजोननाय मोनदोंमोन
गावनि मेथाइ रोजाबनायाव बयबो गोजोननाय मोनदों
बेनि थाखायनो दाउसिना बयनिख्रुइबो बांसिन
गोजोननाय मोनदोंमोन
सासे गथआ सेरफाखाय सेरफाखाय
खायदा खालाम खालाम
स्रोद स्रोद बाथुल लानानै दावगाबोदोंमोन
बाथुलखौ बोफ्लावनानै बियो दाउसिनखौ गावनानै जल्दब खोख्लैदोंमोन
हायाव गोग्लैनाय दाउसिना बाब्राब बाब्राब दुब्ला थैदोंमोन
बेखौनो नुनानै गथआ जोबोद खुसि जादोंमोन
दाउसिनखौ आखायाव लानानै गोजोननाय मोनदोंमोन बियो
गावनि आखायादि जोबोद गोथों
गावखौनो हाजासे बाखोनायदोंमोन बियो
0 Comments