आबादारिया गावनि माइ आबादखौ सानफ्रोमबो नायनानै जोबोद गोजोननाय मोनदोंमोन। बे बोसोराव मैदेर, दाउथु आरो सखा दाउसिनफोरखौबो जेबो गिनांगौ गैया होननानै बियो सानदोंमोन।
सानसेखालि आबादारिनि गोजानाव जुलि जाहैनाय फिसाजोआ आलासि जानो लिंहरदोंमोन। आबादारिया माइ आबादखौ गारनानै आलासि जाहैनो गोसो जायाखैमोन। माइ आबादखौ बुथुमखांनायनि उनावसो बियो थांनो होनना बुंदोंमोन। फिसाजोआ बिखौ गले गले लिंहरदोंमोन बेनिखायनो आबादारिया सानसेखालि गावनि बिसिखौ लानानै साननै आलासि जानो थांनायसै।
हरखाब सोनाबथिंजायनिफ्राय साननो हायै गुमा गयंनि फालोआ बिरबोदोंमोन। बिसोरो आबादारिनि आसु माइयाव बाग्लायफैदोंमोन आरो गावसोरनि गोसोबादि माइखौ अरफायनो हमदोंमोन । साननैनि गेजेरावनो बिसोरो आबादारिनि माइ आबादखौ खहा खालामजोबदोंमोन ।
आबादारिया फिसाजोनि ननिफ्राइ फैफिननानै थोंजोङै माइ दुब्लियाव फैदोंमोन। गुमा गयंफोरा फैनानै गावनि माइखौ बे साननैनि गेजेरावनो खहा खालामनायखौ बियो नुनानै दिखारनांदोंमोन । बियो दुब्लियावनो हान्थु खरायनानै गोसा गोसा होख्राव-होख्राव गाबदोंमोन।
आबादारिया गुमा गयंनि सायाव खिथेर लानो थाखाय गावनि माइ दुब्लिखौनो अर लागायनानै होदोंमोन। माइजों लोगोसे गुमा गयंफोरा खामथारजादोंमोन। माफा- मानैल' गुमा गयंफोरा गोजानाव बिरलांनानै बारग'दोंमोन।
गुबुन दोंसे सल' फरायबावदो-
0 Comments