नों मिथिगौ आं बहा थायो

नों मिथिगौ आं बहा थायो

आंखौ हाग्रानि मानसि होननानै बुङोब्लाबो

आंहा अरजानांगौ एसेबां गैया

बुंनो थाङोब्ला दासिमबो आंनि नआ हाग्राबारियावनो

हाग्रा फिथाइजोंनो देरबोनाय गथ' आं

नाथाय हाग्रानि मानसि होनना बुंना लानोसो आंहा दा साहस मोना

नोगोरनिफ्राइ फैनाय मानसिफोरादि आंनि हाग्राबारिखौ लांदां खालामफैबाय

नोङो दा आंखौ मिथिगौ आं बहा थायो

नोगोर आरो गामिनि गेजेरावनो आंनि न'

नोगोरनिफ्राइ फैनाय बार

गामिनि बार मोननैबो आंखौ जारला खालामो

बिसोरनि बे मोनसे सोंनायानो सानफ्रोमबो-

नोङो गामियाव थानो ना नोगोराव थानो

गामिखौथ' आं मोजां मोनो

नाथाय गामिया नोगोर जालांदोंसै

नोगोरखौ मोजां मोना होनोब्लाबोसो

दिनैनि सानाव नोगोरानो गोबाख्रबसिनथारदों आंगोथार होननानै

बेबादिनो आं सान हर बारहोबोदों

आंनि न'आ हाग्राबारियावनोमोन

दिनै हाग्रा गैला आंनि न'नि सोरगिदिं