सासे आबादारि आरो एम्बु बंग्लानि सल'
बिफां लाइफां जोबलांनि थाखाय गोबाव बोसोर मोनसे गामियाव अखा हायाखैमोन। अखा हायैनि थाखायनो दैमा- दैसा गासैबो रानज्रिंलांदोंमोन। गामिनि आबादारिफोरा आबाद मावनो मोनैनि थाखाय गोबां आंखालजों बुगिनो गोनां जादोंमोन।
मोनसे समाव सासे आबादारिया जोबोद गेदेर मोनसे फुख्रि जावदोंमोन। बेवहाय बियो गोबां एम्बु बंग्ला फिदोंमोन। एम्बु बंग्लाखौ फोथांनो थाखाय आबादारिया गोजान जायगानिफ्राइ सानफ्रोमबो दै लानानै फैनो गोनां जादोंमोन
आबादारिनि बिसिया एम्बु बंग्लानि थाखाय सानफ्रामबो आदार लाबोनानै होदोंमोन। बेबादिनो एम्बु बंग्लाया देरबोदोंमोन।
फुख्रिनि एम्बु बंग्लाया सानफ्रोमबो फुं आरो बेलासि गोगोम गाबोमोन आरो आबादारिया एम्बु बंग्लानि गाबनायखौ खोनासंनानै जोबोद गोजोननाय मोनदोंमोन। आबादारिया एम्बु बंग्लानि गाबनायजों सानसेब्लाबो अखा हागोन आरो गामियाव गोदान सोलायनाय फैगोन होनना मिजिं खालामदोंमोन
सानसेखालि एम्बु बंग्लानि अखा लिंहरनायजों गामियाव गोबां अखा हादोंमोन। गामिनि बयबो जोबोद गोजोननाय मोनदोंमोन। गामिनि आबादारिफोरा गोसो होनानै आबाद मावनो हादोंमोन। बिफां -लाइफां गासैबो गोदानै बिलाइ खिलिफिनदोंमोन।
0 Comments