गावनि सैमायानो गावखौ सोंनाय
सैमाया सिनायै मानसिखौ सोङो। जायखौ मोजाङै सिनाया बिखौ सैमाया सोङो, माबा मोनसे मावनो एबा खावनो नागिरदोंबा बिखौ सोङै सोङै हेंथा होनो नाजायो। नाथाय जायखौ मोजाङै सिनायो बिखौ सैमाया माब्लाबाबो सोंनाय नङा।
सिनायनाय मानसिजों सैमाया खाथियाव साफियो, गावनि खौगाखौ ब्लां सिनानै आरो खर’खौ गाहाय खालामनानै रायदावो, गावनि लानजाइखौ होरलां सोमाव सोमाव सिनायनाय मानसिफोरजों अनजानो लुबैयो।
बिगोमाखौ सैमाया मोजाङैनो सिनायो। बिगोमानि थाबायनाय, राव, बोसोन आरो जायखिजाया इसाराखौनो सैमाया मोजाङै हमदांनो हायो। बिगोमानि गासै अननाय आरो जोथोनखौनो सैमाया बुजियो।
नाथाय गोसोआव लाखिनाया गोनांथारदि माब्लाबा गावनि सैमायानो गावखौ सोंनो हागौ। जेब्ला नोंथांखौ नोंथांनि सैमाया सोङो अब्ला साननानै लादि बिनो सोरबा आदार होदों। जेसेबां नों बिनो आदार होदों बेनिख्रुइबो सोरबा बांसिन आदार होदों।
नोंथाङा बेखौ साननानै ला, सोरबा बिनो नोंथांनिख्रुइ बांसिन अननाय होदों। सैमाया नोंथांनि गोलाव बोसोरनि अननाय आरो जोथोन लानाय गासैखौबो दान्दिसेयावनो बावगारलांबाय। बियो नोंथांखौ सिनायै जाबाय।
0 Comments