नों गासैखौबो मावनो हाया बेनो थोजासे
गोसोजों जेखौ सानदों बेखौनो मावनो हानायमोनब्ला मानसिया माबादि जागौमोनथाय? मावथावै खामानिखौबो मावगौमोन खोमा? जाथावैखौबो जाहोगौमोन खोमा? बुहुमाव जेंनाया बांसिन जागौमोनदां, ना जेंनायानो थानाय नङामोन?
नों दा जेखौ सानदों साननायमानि मावनो हाया। थेवबो नारानाथा मावनो नाजाबाय थागासिनो दं। गाज्रिखौबो मोजां खालामनो नाजागासिनो दं। मोजांखौबो गाज्रि खालामनो नाजागासिनो दं।
नों गासैखौबो मावनो हाया बेनो थोजासे। नों हायै खामानिखौ गुबुन सोरबाया मावगोन। नों साननो हायै खामानिखौ सोरबाया सानदों।
बेबादिनो बुहुमा मोनसे थि जखायावनो दिनैसिमबो दं। साना मोनायाव गैया, अखाफोरा सानाव गैया। बारा गावनि खामानिखौ मावगासिनो दं, दैयाबो मावगासिनो गावनि खामानि। रावबो रावनिबो खामानिखौ मावनो हाया। बेनिख्रुइ साबसिन माथो नांबावगौ?
गावनि थैनायखौ थैनो रोङै खालामनो दासान नों। एसेबां बायगर दाजा। जिरायनाय नांगौ नोंनो जेरै अखाफोरा जिरायो। थैनाय नांगौ नोंनो जेरै बिफांफोरा थैयो। मानोना नोंबो बेखौनो लुबैयो, गोजामा थांनानै गोदान फैफिननांगौ।
0 Comments