साननायबादि बहाथो जाजोबनो
सानसेखालि सासे आबादारिया गावनि बारियाव फांसे मुदुमफुल बिफां गायदोंमोन। बिफाङा मोजाङैनो देरबोदोंमोन आरो माखासे बोसोरनि उनाव गोबां फिथाइ थाइदोंमोन। आबादारिया फिथाइखौ मोननायनि सिगां रावखौबो खानो होआखैमोन।
माखासे साननि उनाव मुदुमफुल फिथाइफोरनि गेजेराव थाइसे गोमोन मोनग्रोनो हमनायसै। फिथाइ गोमोनखौ नुनानै आबादारिनि फिसाफोरा जोबोद जानो लुबैदोंमोन। बिसोरो बिफानियाव फिथाइ गोमोनखौ जानो बिदोंमोन, नाथाय बिफाया बिसोरनो जानो होआखैमोन।
आबादारिया बुंदोंमोन, "गिबियावनो गासैबो फिथाइफोरखौ समानै मोनग्रोनो हो बेनि उनावसो जों जयैनो जागोन।"
माखासे साननि उनाव आरोबाव गुबुन थाइसे मुदुमफुल फिथाइया मोननायसै। नाथाय सिगांनि फिथाइ गोमोना बै समसिम सेवलांदोंमोन।
आबादारिनि फिसाफोरा बे खेबावबो फिथाइ गोमोनखौ जानो बिदोंमोन, नाथाय आबादारिया सिगांनि बादिनो बुंदोंमोन। बेबादिनो माखासे साननि उनाव फिथाइ गोमोना सेवलांदोंमोन।
गासै फिथाइफोरा थाइसे थाइसे मोननानै सेवलांदोंमोन। बिफांनि गासैबो फिथाइफोरानो आबादारिया लुबैनायबादि समानै मोनाखैमोन। खायसे मोननानै सेवलांदोंमोन, आरो खायसेखौ दाउसिनफोरा जानानै थांदोंमोन।
आबादारिनि फिसाफोरा मुदुमफुल फिथाइ गोमोनखौ जानो लुबैदोंमोनबाबो मोनजायाखिसै। बिसोरो बिफाखौ जोबोद दुखु मोनदोंमोन। जोबथारनायाव आबादारियाबो गावनि फिसाफोरखौ दुखु जानाय नुनानै गावबो जोबोद दुखु मोननो गोनां जादोंमोन।
0 Comments