फेन आरो गस्ला
गथआ अखा थिंख्लाब सिजानानै बिमानि खाथियाव फैफिनबाय। बिमाखौ रागा जोंनाय नुनानै गथ'आ गाबहां माहां जानो हमबाय। बिमानि खाथियाव गंस्रिनानै बियो बुंबाय।
-लामा गेजेरावनो अखाया आंखौ बेंथेनानै आंनि राहाखौनो खोमागारबाय। नसिम खारबोबाबो आं खारस्लाबनो हायाखिसै। दानिया आंनि फेन गस्ला सिजोबबाय आयै!
बिमाया गावनि गारांखौ गोजौ खालामनानै बुंबाय।
-ननिफ्राइ ओंखारलांनायनि सिगां आं बुंखादोंमोन। दिनै अखा हागोन आरो अखाया नोंनि फेन गस्ला गासैखौबो फिसिना होगोन। ब्रायैनो जामारदों आं बुंनायानो।
-आं दा मा खालामबावनो आयै? अखा हागोन होननानै आं फोथायाखैमोन! बेबादि जागोन होननानै आं सानाखैनोमोन।
-बेबादि अखाखौ आं उनदै समनिफ्राइनो लोगो मोनबोदों। दजिबा बोसोर गोबां अखा सिजाफेरबाय आं। बेनि थाखायनो आंहा आनदाज खालामनो हानायबो जाबाय।
-नोंखौ बाखोनाय नांगोन आयै!
-आंखौ बाखोनायनानै मा जाबावनो?
-नोंनि खोथा मानियैनि बेयो फिथाइ!
-नोंनि फेन गस्ला अखा सिबाय। दा फेन गस्ला गांसेबो गैला नोंनि थाखाय जायखौ नों गाननानै गोजोनै थानो हायो।
-आंनि फेन आरो गस्लाया गोबां जानायमोनबा हामगौमोन!
-लंथङैनो थानायनि अनगा नोंहा मा दंबावो?
-नोंनि खोथा मानियैआवनो बेबादि जाबाय आयै!
-आं बुंखादोंमोन, अखा हानो हागौ! बायजोआव दाथांसै, साथा गैया, नोंनि फेन गस्लाया सियोबा नों माखौ गाननो?
गथ'आ बिमानि फासोराखौनो गाननानै थानांनायसै। गथ'खौ गोजांनाय नुनानै बिमाया हिमाखौ गस्ला खालामना होनायसै।
0 Comments