रस्मिका मन्दना

रस्मिका मनदन्नाया कानाडा आरो तेलुगु सावथुननि सासे नायनो समायना, मुंदांखा आरो जाफुंसार फावखुंगुरि । सासे हाइना फोनांनो हानाय फेसनारबो । बिथाङा फावथिनाय मोनफ्रोमबो सावथुनानो रांखान्थियारि बिथिंआव जाफुंसार ।

रस्मिका मनदन्नानि बैसोआ दासिमबो खालि नैजिगु बोसोरल'सो जादों । दासिमबो जोबोद खमथार सावथुनाव फाव खालामदोंब्लाबो बिथाङा गावखौ सासे जाफुंसार आरो मुंदांखा फावखुंगिरि होननानै तेलुगु सावथुन मुलुगाव गायसननो हादों। 2016 मायथाइयाव बिथाङा 'किरिक फार्टि' मुंनि कानाडा सावथुनाव फाव खालामनायनि गेजेरजों गिबियै आगान होदोंमोन ।

गीता गभिन्दम आरो दियार कमरेड मुंनि सावथुनाव भिजय देभराकन्दजों बिथाङा मोजां मोनलायनाय, सुबुंथि आरो नखरनि सुखु गोजोननि बायदि मैया फाव खालामदों । बिथांनि बेफोर सावथुना लाइमोन सेंग्रा सिख्लाफोरनि थाखाय साबसिन-हामसिन होननानै सायख' जादों ।

उनथाराव बिथाङा सलमान खान, रनबिर कापुर, बिकि कौचल आरो आल्लु अर्जुनमोनजोंबो फाव खालामदों। बिथांनि मुंदांखाया जादों आल्लु अर्जुनजों फाव खालामनाय मोननै खोन्दो 'पुस्पा' जाय सावथुना भारतनि सावथुन मुलुगाव गोदान मोनसे दाहार लाबोदोंमोन। बे सावथुना सावथुन मोनग्रा मोनग्रा कौटि कौटि सुबुंफोरजों जोबोर अनसायजानाय होजादोंमोन।