समनि बेसेन

समनि बेसेन

समानो रां रुफा। समखौ मोजाङै बाहायनायनि गेजेरजों जोङो गोबां रां खावरि बुथुमनो हायोब्लाबो नाथाय जों समखौ बारायनानै लानो हाया। अदेबानि समा थाङोब्ला उल्था फैफिननो हाया। जायफोर समनि बेसेनखौ बुजियो एबा मिथियो बिसोर मोनफ्रोम से मिनिटबो नोसथो खालामा।

सानसेखालि आमेरिका हादोरनि गिबि आफादगिरि जर्ज वासिंटननि नेहाथारिया मावखुलियाव उन जानानै फैदोंमोन। आफादगिरिया गावनि नेहाथारिखौ सोङो- "दिनै नोङो मानो उन जानानै फैखो?" नेहाथारिया बुंफिनो- "अननानै आंखौ निमाहा हो सार, आंनि घड़िया गोरोन्थि सम दिन्थिदों।" आफादगिरिया बिथांखौ बुंदोंमोन- "नों नोंनि घड़िखौ सोलायनांगोन नङाबा आं आंनि नेहाथारिखौ सोलायनांगोन।"

आमेरिका जथाय हादोरा मुलुगावनो बयनिख्रुइबो दावगासिननाय हादोर होननानै मिथिजायो। बे हादोरा गेदेमा हादोर जादों मानोना बेनि सुबुंफोरा गासै से मिनिट समखौबो मोजाङैनो बाहायदों। बेयो आफादगिरिनि थाखाय गावनि नेहाथारिनो समखौ नोसथो खालामहोनो गोब्राबमोन। बेखौ बुंनो हायोदि बेयो खालि एसेल' समनि बाथ्रा। गासै साननि एसेल' समानो जयै गोबां सम बानायो। समा जोबोद बेसेन गोसा।

जों जेब्लाबो समायमथे जानांगौ। बिसोरनो मा नांगौ मानसिफोरा मावनो हाया जानो हागौ मानोना जों समायमथे नङा। जों समजों खारफानो हायाखै। जेब्ला माखासे सुबुंआ जोंनि थाखाय माखासे सम नेनानै थानांगौ जायो, बिसोरहा जयैनो जोंनि थाखाय गोबां सम खोमानानै लानांगौ जायो।

जों समखौ ओरैनो जेबो मावालासे जना थानानै नोसथो खालामो। जों जोंनि मावनो लानाय खामानिखौबो फिरायफिननानै एबा फावसायनानै समखौ नोसथो खालामो, मानसिफोरनि सोमोनदै गाज्रि गाज्रि सावरायनानै, आरो जों गुवार साननाय गैयाजासेनो गोबां बायदिसिना खामानिखौ थांखि गैयाजासे मावनानै समखौ नोसथो खालामो।

समजों लोगोसे गासैबो जाथावना जानानै फैयो। समनि बेसेना रां खावरिनिख्रुइबो बांसिन। जेब्ला बेरेफुंजानि सिखारो, जोंहा नैजिब्रै घन्टा सम जोंनि आखायाव बाहायजायै थायो। बिफोर जोंनि बयनिख्रुइबो बेसेनगोसा मोननाय बानथा। बैफोर नैजिब्रै घन्टानिफ्राइ रावबो जोंनिफ्राइ खावनानै लांनो हाया। गुबुन फारसे, रावबो सानसेयाव नैजिब्रै समनिख्रुइ बांसिन मोननो हाया। गेदेमा सुबुं जायफोर गोमोथाव खामानिफोर मावदोंमोन बिसोरहाबो सानसेयाव गुबुन उफेरा सम गैयामोन। बिसोरो खालिबोल' मोनफ्रोमबो समखौनो मोजाङै बाहायदोंमोन। जों सम नोसथो खालामनायखौ साजा होनोबो हायो एबा होआलासेबो खालामनो हायो, नाथाय जोंनि जिउआ जोंनि समजों थाफादेरो आरो जेब्लानो जों जोंनि समखौ नोसथो खालामबाय अब्ला जों जोंनि जिउनि गुबै खावसे बाहागोखौ खोमानानै लाबाय।

जोंनि जाफुंसारनाया सोनारो समखौ मोजाङै बाहायनायनि सायाव। तमास आल्भा इडिसन, जाय सुबुंआ बिजुलि साथिखौ गिबिसिनथार बाहायदोंमोन, बिथांआ खालिबोल' सासे नेहाद एसेल' बिथन (दानारि बानथा) लानानै टेलिग्राफ बानायग्रामोन। बिथांआ गावनि उफेरा समखौ गोबां बायदिसिना नायबिजिरनाय आरो दिहुननो नाजानाय खामानियाव बारहोदोंमोन। बिथांआनो मुंदांखा दिहुनगिरिफोरनि मादाव दिहुनगिरि मुङैबो मुंदांखासिन सुबुं जानो हादों।

जों जोंनि उदां समफोराव मा मावगोन बेनो जोंनि थाखाय गेदेर मुलाम्फा जागोन। बेनो जोंखौ गोबां मिथिनो आरो मावनो थाखाय जिउआव मदद होगोन। मोनफ्रोम समखौ जों बासायनो हायो, बेखौ मोजाङै बाहायनायजों जोंखौ बांसिनै खुसि खालामनानै। मोनसे मिनिट समा जुदि गोमाबायब्ला बेयो आरो माब्लाबाबो फैफिना।

जायफोर गावसोरनि समखौ मोजाङै बाहायाखै बिसोरहा थांखि गैया, जाफुंसार जायै एबा बिसोर बेसेन गैयै सुबुं। समखौ बुथारनायजों बिसोर गावसोरनि जिउनि गुबै खाबुफोरखौनो फोजोबनानै लादों।  सासे जाफुंसार सुबुङा गावनि समखौ फिथाइ गोनां खालामो एसेब्लाबो मुजिनां एबा रंजाथावनायै हाबा मावदों।

सासे जाफुंसार सुबुङा एसेब्लाबो मुजिनां हाबा मावनाय एबा रंजाथावनायै गावनि समखौ फिथाइ गोनां खालामो।

(थाखो बानि मोरेल चाइन्स बिजाबाव थानाय ‘भेलु अप टाइम’ मुंनि आयदाखौ उदाङै समनि बेसेन मुं होनानै राव सोलायना होनाय जादों।)