मेथाइ रोजाबगिरि सुलेखा बसुमतारीनो 'मेन अफ डि इयार ' बान्थाखौ फोसावदों

सुलेखा बसुमतारीया बर' मेथाइ रोजाबगिरिफोरनि मादाव सासे मुंदांखा मेथाइ रोजाबगिरि । अल इन्डिया रेडिअनि गेजेरजों बिथाङा गावखौ सासे मेथाइ रोजाबगिरि महरै सिनायथि होदोंमोनब्लाबो बर'नि गिबिसिन 'आलायारन' मुंनि सावथुननि गेजेरजों बिथाङा इयुन जोलैफोरनि सिगाङाव सासे साबसिन मेथाइ खनगिरि महरै मिथिजादोंमोन।

गावनि गोदै गारां आरो बयखौबो मोजां मोनहोनो हानाय मिलौहाब गोदै गारांनि थाखाय बिथांखौ बर' मेथाइ मुलुगाव 'देंखोनि रानि' मुंजों गाबज्रियो।

बिथाङा अल इन्डिया रेडिअ, बर' मेथाइ केसेट, बर' भिडिअ एलभाम आरो बर' सावथुनफोरनि थाखाय गोबांथार मेथाइ रोजाबबोदों।

2019 मायथाइयाव बड'लेण्ड हायुङारि ओनसोलनि सोरखारा बिथांनो मेथाइ मुलुगाव गेदेर बिहोमा आरो गावखौ गोलाव सम बाउसोमबोनायनि थाखाय निलेस्वर ब्रह्म हारिमुवारि बान्था होदोंमोन।

आसामनि मेथाइ मुलुगावबो बिथांनि होनाय बिहोमाया मख'जाथाव। 2023 मायथाइयाव बिथांनो जयन्त हाजरिका मेम'रियेल बियातिक्रन एचिभमेन्ट बान्था होनाय जादोंमोन।

2026 मायथाइनि थाखाय इंंखं वेलपेर ससाइटिया बिथांखौ 'मेन अफ डि इयार, 2026' बान्थानि थाखाय सायख'यो । बेयो बिथांनो मोनसे गेदेर मान आरो सनमाननि गेजेरजों होनाय बान्था ।