जोगोनाद फिथाइ आरो मैदेर हाथाय

जि बोसोरनि सिगां आफाया दब्लायथाम हायाव जोगोनाद फिथाइनि आबाद खालामदोंमोन । जोबोद मोजां फिथाइ थाइदोंमोन । थाइफा -थाइनै मोनहांबायमोन । मोनबावथों होननानै थाइसेबो ओंख्रि जालायाखैमोन ।

सानसेखालि हरनि समाव हाग्रानि फालोसे मैदेर फैदोंमोन आरो गासै जोगोनाद फिथाइफोरखौ जालांजोबदोंमोन । माखासेखौ गासोनानै गालांदोंमोन । नायनो आनथा थाइनैसोल’ थादोंमोन ।

अखानायै फुंनि समाव आफाया जोगोद फिथाइफोरखौ नुवाखिसै । मैदेरा जालांजोबबाय होननानै आफाया दुखु खालामदोंमोन ।

मोनसे गोसोखांथाव बाथ्राया जादों आफाया मासे मैदेरनि हाथाय गानानै थालांनाय मोनदोंमोन । नायनो आनथा सासे देरफुनाय सेंग्रानि आसि फिसानिख्रुइ एसेल’सो देरसिन आरो लावसिनमोन ।

मैदेर हाथाय मोनदों होननानै सानफ्रोमबो जोंनाव मानसिफोरा नायनो फैदोंमोन । सोरबा फाननो थिनदोंमोन , सोरबा आसथाम आरो गोदोनि माला बानायनो थिनदोंमोन । जोबथारनायाव आफाया सासे मानसिनो देरस’ थाखानि फानहरदोंमोन । नाथाय आफाया जोबोद खोस्थो खालामनानै मावनाय जोगोद फिथाइनि बेसेनखौनो मोनफिनाखिसै ।