अखा हायोब्ला मा मा जायो

अखा हानायनि जावोनाव जों जोंनि मिथिंगायाव जिब-जुनार, बिफां-लाइफां, एम्फौ -एनला आरो दाउसिन-दाउलाफोरखौ बायदि रोखोमनि थासारिजों मोगा-मोगि जानांनायखौ नुनो मोनो।

अखा हायोब्ला जोंनि आबहावानि सायाव माखासे गोहोम गोग्लैनायखौ नुनो मोनो। अखा हानायनि जावोनाव हाया गिसि जायो, बबेबा बबेबा जायगायाव हाब्रु जायो।

गोबां अखा हायोब्ला हाखर-हालायाव दैया जमा जायो। अखा हादैजों दैमा-दैसानि दैया देरो। जाथाव बादियै खायसे जायगायाव दैबाना जायो। दै बानाजों मिथिंगानि गोबां जिब-जुनारफोरा जुजिनो गोनां जानानै फैयो।

दैबाना जायोब्ला दैमा-दैसाया देरनानै हाब्रां आरो बोरिखौ खुरनानै गुवारै नोस्थो खालामो। दैया गेन्दा जायो आरो बेवहाय नाफोरा खुसिजोंनो जेरै हायो एरैनो दावबायनो हमो । 

अखा हायोब्ला गोरान हाया गिसि जायो। हाद्रिया सिनानै हाब्रु जायो।

अखा हायोब्ला मानसिया गावनि फेन गस्लाखौ रैखा खालामनो थाखाय साथा हमो । साथा हमनानै मानसिया लामा थाबायो। साथाया थारैनो अख्रांनिफ्राय फैनाय अखा सेरेबखौ हमथानानै लाखियो।