बिसोरो बोराबनानै देरहानो नाजायो
बिसोरो बोराबो, ओरैनो बोराबा-
बोराबनानै देरहानो थाखाय बोराबो
गावसोरनिबादि जायैनि थाखाय बोराबो
बोराबनायानो बिसोरनि मोन्थोर
अननाय, हेफाजाब आरो बुरखायजानायखौ बिसोरो लुबैयो
गोसोआव लाखि
बोराबनाया गावखौ दुखुल’सो होयो
गुबुनखौ आख’-फाख’ल’सो खालामनो हायो
बोराबनानै रावबो देरहाफेरनो हाया
बोराबनानै देरहानायमोनब्ला आदमाबो देरहागौमोन
अबंलावरिया बिखौ एडेन बागाननिफ्राय होखारहरनो हानाय नङामोन
बोराबनानै देरहानायमोनब्ला
आंनि आबै आरो आबौमोनहाबो थैनाय ऩङामोन
बोराबनानै हाजार मानसिफोरा फासि नांनानै थैखांबाय
दैयाव बारसोमबाय
बिस लोंनानै थैखांबाय
गोदोनायाव दौलें लागायनानैबो थैखांबाय
नोंथाङा बिसोरखौ देरहादों होननानै सानो ना?
देरहानाया गुबुनखौ दुखु होआ
बेयो गुबुनफोरनि गोसोखौ जैसो खालामो
देरहानाया दुखु –दाहा गासैखौबो नागारजोबो
गुबुननि मोखाङाव सोरां सारफावनानै होयो
देरहानाया थांना थानायनि गियान आरो गोजोननाय होयो
बिसोरो बोराबनानै देरहानो नाजायो
बेनिख्रुइ देरसिन फाफ बहाथो थाबावनो?
0 Comments