मासे एम्बु बंग्लानि सल'
सानसेखालि खेबसे दाउज्ला गेसेरनाय लोगो लोगो मागुराम मुंनि सासे दाहोनाया हाल एवनो दुब्लियाव हाल होलांनायसै। जेब्ला बियो दुब्लियाव सहैयो होनबा मासे एम्बु बंग्लाखौ गाबख्रावनाय खोनानो मोननायसै। बें थर'रथ साफ्रा माथि थर'रथ...।
एम्बु बंग्लानि गाबख्रावनायखौ खोनानानै दाहोनाया खाथियाव फैनानै सोंनायसै- "मा जादोंलै बाहाय? मानो बेरे फुंजानि गाबख्रावबाय थाखो?"
होनबा एम्बु बंग्लाया आखाय खबजबनानै बुंनायसै- "दहायलै आदा! आंखौ रैखा खालामदो।"
दाहोनाया नुनो मोनबायदि एम्बु बंग्लानि जानजियाव बेसेबांबा गेदेर साफ्राया होसिननानै दं। खैफोदाव गोग्लैनाय एम्बु बंग्लाखौ दाहोनाया हेफाजाब होनो गोसो जानायसै। गोबाव खालामालासेनो बियो साफ्राखौ बोखारनानै होनायसै। एम्बु बंग्लाया रैखा मोननायसै आरो खुसिजोंनो फिनज्राब फिनज्राब बारलांनायसै। गोजान सहैयोबा बियो दाहोनानि फारसे नायहरनानै बुंहरनायसै- "ओइ दाहोना! नोंबादि मुलुगाव सोरथो आदुवा थाबावनोलै? आंथ' आनजादसो नायदोंमोन नोंखौ मदद खालामोना खालामा होननानै।"
एम्बु बंग्लानि बाथ्राखौ खोनानानै दाहोनाया रागा जोंनो हमबाय। बियो थाबैनो लावथि लानानै एम्बु बंग्लाखौ होसोलांनायसै। एम्बु बंग्लाया खारबाबो खारखनो हायाखिसै। दाहोनाया बिखौ लावथिजों बुसिन बुसिन फेन्दा फारसेखौ थेम सिफायनायसै। बे साननिफ्रायनो एम्बु बंग्लाया थैजासिम लेंग्रा जानानै थानांनायसै।
0 Comments