धीरुभाइ आम्बानी बिथांनि सुंद' जिउखौरां

 

जुदि नोंथाङा नोंथांनि सिमांखौ लुफुङा, अब्ला सोरबा गुबुना नोंथांखौ गावसोरनि सिमांखौ बानायनायाव मदद होनो थाखाय खामानियाव थिसनगोन।

धीरुभाइ आम्बानीआ सासे जिउआव गेदेर सिमां गोनां भारतारि फालांगि मेगनेटमोन। 1932 मायथाइयाव भारतनि गुजरात रायजोनि मोनसे फिसा गामियाव जोनोम मोननाय बिथाङा गावनि जिउ राहाखौ गुरै जागायजेननायजों जागायदोंमोन।

बिथाङा भारत हादोराव फैफिननायनि सिगां येमेनआव पेट्रल पाम्प एटेन्डेन्ट महरै खामानि मावदोंमोन। 500 रांल'जों बिथाङा 1966 मायथाइयाव रिलायेन्स कमर्शियल कर्पोरेशनखौ गायसनदोंमोन। बिथाङा गिबियाव पलिस्टार यार्ननि फालांगिसो खालामदोंमोन।

जोबनो गैयै साहस, दूरदर्शिता आरो मानसिफोरजों सोमोन्दो लाखिनो हानाय फोथायथावै गोहोनि गेजेरजों बिथाङा रिलायन्सखौ मोनसे गुवार हानजायाव सोलायदोंमोन।

बिथाङा पेट्र'केमिकल्स, टेलिकम्युनिकेसन, मोब्लिब आरो खुस्रा बायदि गोबां सेक्टरफोराव गोहोम खोख्लैनो हादोंमोन। धीरूभाई आम्बानी बिथाङा भारतआव इक्विटी बिगोमाथिखौ सुबुंखान्थि खालामदोंमोन, लाख-लाख सरासनस्रा सुबुंफोरखौ शेयार खालामदोंमोन।

बिथाङा 1932‌ मायथाइनि दिसेम्बर 28 खालारखालि जोनोम लादोंमोन। बिथांनि बिफाया सासे गामिनि फरायसालियाव फोरोंगिरि हाबा मावोमोन। उन्दै समनिफ्राइनो बिथाङा फालांगि खालामनायनि बाथ्रा सानोमोन ।

1955 मायथायाव बिथाङा ककिला पाटेलजों जुलि जादोंमोन। बिथाङा साब्रै फिसाफोरनि बिफामोन। बिसोरनि मादाव आथिखालाव बयजोंबो मिथिजानाय मुकेस आम्बानि आरो अनिल आम्बानीया बिथांनि फिसाज्ला जायफोर फालांगि बिथिङाव जाफुंसार जानो हादों।

भारतनि मोनसे देरसिन आरो जाफुंसार फालांगियारि रायजोखौ गारनानै 2002 मायथाइयाव बिथाङा रुंसारि जालांदोंमोन। बिथाङा भारत हादोरनिल' नङा, मुलुगनि जाफुंसार जालांगिफोरनि मादावनो सासे बयजोंबो मिथिजानाय फालांगिरि होनना गावखौ सिनायथि गालांनो हादों। आथिखालाव बिथांनि फालांगिखौ बिथांनि सोमोन्दोनि मानसिफोरा सामलायगसिनो दं।

बिथांनि जिउनि सल'आ गेदेर हाबिला आरो खस्थ' खालामनायनि गोहोनि फोरमान। दिनै बिथांनि फालांगिखौ जेरैबादि गोरलैयै सामलायनायखौ नुनो मोनदों बिथाङा बेखौ गायसननाय समाव गावखौ बेसेबांबा जुजिनाय,गोसो हमथानाय आरो नांथाबनायखौ लाखिनो गोनां जादोंमोन ।

भारतनि दारिमिन फोथाराव गेदेर बिहोमा होनायनि थाखाय बिथांनो थैनायनि उनावबो भारत सोरखारा सनमान खालामनानै 2016 मायथाइयाव हादोरनि नैथि देरसिन बान्था 'पद्मा भिभुसन' होदोंमोन ।