Poemhunter.com आव बर’ खन्थाइगिरिफोर
1.0 गुबै सिनायथि: Poemhunter.com आ मुलुगनि खना-खनला थानाय बयबो सुबुंफोरानो अनलाय खन्थाइ फरायनो आरो फोसावनो हानाय मोनसे गोनोखोआरि बिजों। बेखौ फरायनानै मुलुगनि गुबुन गुबुन हारि-माहारिनि हारिमु आरो थुनलाइनि बागै मिथिनानै लानो आरो संबिजिरनो हानायनि मोजां खाबु दं। जानो हागौ बेखौ साननानैनो गंसे जौफुनाय कानाडा हादोरनिफ्राइ चि. एक्रेम टेइमुर मुंनि मेलेम गोनां सासे सुबुंआ गायसनदोंमोन आरो फोसावजेनदोंमोन 1 जानुवारि 2004 मायथाइनिफ्राइ (Poemhunter.com was founded by C. Ekrem Teymur, and has been publishing since January 1, 2004)।
Poemhunter नि मिथिनो गोनां (about poemhunter) आव बे बिजोंनि थांखिखौ ओरैबादि लिरदों- "PoemHunter.Com aims to spread the effects of poems in the social and individual life of people, where a continuous change is undergoing with the Internet. PoemHunter.Com without a pause, continues its activities with the active participation of thousands of members around the globe."
Poemhunter.com आ मुलुगनो मोनसे मख'जाथाव गियान बुथुमनो हानायनि खाबुखौ होदों। आथिखालाव मुलुगनि लाख लाख लेखा गोरों सुबुंफोर जायफोर बिजाब फरायनो मोजां मोनो, जायफोर हारिमु आरो थुनलाइखौ मोजांमोनो बिथांमोनहानो बेखौ फरायो। बे बाथ्राखौ बिथांआ गावनि Who visits poemhunter? आव लिरदों- "Visitors of PoemHunter.Com are comprised of well educated people from all age groups, who has interest in cultures and arts, who read books and have come to certain positions within their respected society. Results of surveys and the general trend we observe in the activities of the site shows that visitors of PoemHunter.Com regard it not as an entertainment site but as a site of knowledge, culture and art and they wish it to stay that way."
2.0 गुबै आयदा: दासिम खन्थाइआ मा बेनि बागै गोबां बुफुरलु होनाय जों मोनबाय गेदेमा खन्थाइगिरि आरो बिजिरगिरिफोरनिफ्राइ। बिजिरसंगिरिफोराबो गोबां रोखोमै बेखेवथि होलांबाय। गोदानै Literary Devices आव खन्थाइनि बेखेवथि होनो नाजानायखौ जों ओरैबादि मोनबावदों- “A poem is a collection of spoken or written words that expresses ideas or emotions in a powerfully vivid and imaginative style. A poem is comprised of a particular rhythmic and metrical pattern. In fact, it is a literary technique that is different from prose or ordinary speech, as it is either in metrical pattern or in free verse.”
खन्थाइनि बेखेवथि होनाया गुबुन गुबुन जानो हायो आरो खन्थाइ फोरमायनाय आदब आरो आयदायाबो गुबुन गुबुन जानो हायो बेनि बिदिन्थिया Poemhunter आनो जोंनो दिनथियो। थारैनो बेवहाय गोबां रोखोम आरो आयदानि खन्थाइ जों मोननो हायो। बेयो जेखियानो जाया बे सावराय आयदायाव Poemhunter नि बागै हानायमानि मोनसे फरायसंनो नाजानाय जाबाय।
Poemhunter नि अनसाय जानाया सानफ्रोमबो मुलुगावनो बांसिनबाय थादों। थांनाय इंराजि 2014 मायथायाव Poemhunter नि फोसावनाय बादिब्ला बेनि भिजिठर (visitors) फोरनि गेजेराव हौवाफोरनि जौखोनदोआ जादों 49.0% मोन। हिनजावफोरनि जौखोनदोआ जादों 47.9% आरो गुबुन (other) भिजिठरआ जादोंमोन 2%।
नायग्राफोरनि बैसो राननायाव मोननो हादों-
18 बैसो- 17%
18 निफ्राइ 25 बैसोसिम- 15%
26 निफ्राइ 35 बैसो- 13%
36 निफ्राइ 50 बैसोसिम- 18%
51 निफ्राइ गोजौआव- 38%
हादोरनि जौखोनदो साननाय बादिब्ला-
इउनिडेठ स्टेठ- %44.32
इउनिडेठ किंडम- %14.96
भारत हादोर- %10.86
अस्ट्रेलिया- %4.08
कानाडा- %3.81
फिलिपपिनेस- %3.14
गुबुन गुबुन- %21.83
बेबादिनो थांनाय 2014 मायथायाव 105,502 खन्थाइगिरिफोर आरो गासै 1,223,953 खन्थाइफोर मोननाय जादोंमोन।
7 मे 2019 मायथाइनि हिसाब मथेब्ला Poemhunter आव गासै 124,112 खन्थाइगिरिफोरनि गासै 1,333,561 खन्थाइ आरो 64,235 दों बोसोन-बिबुंथि (Quotations) जों मोननो हायो।
Poemhunter आव गासै खन्थाइगिरिफोरनि गेजेराव Top 500 खन्थाइगिरि सायखना फारिलाइ होनाय जायो। बेबादिनो जों मुलुगनां मुंदांखा खन्थाइगिरिफोर William Shakespeare, Robert Frost, Maya Angelou, Langston Hughes, Pablo Neruda, Rabindranath Tagore, Emily Dickinson, Shel Silverstein, William Wordsworth, William Blake, Edgar Allan Poe, Roald Dahl, John Keats, Wilfred Owen, Charles Bukouski, Walt Whitman, Sylvia Plath, Edgar Albert Guest, Phillips Wheatley आरो Robert Burns मोनखौ Top 20 सिम दावखोलाय-दावख्लायलाय मोननो हायो।
बेयो मख'जाथाव बाथ्रादि Poemhunter नि फारिलाइ होनायाव Rabindranath Tagore बिथांआल’ भारत हादोरनि सासेल’ Top 10 आव मासि मोननो हानाय खन्थाइगिरि।
बेबादिनो Poemhunter आव Top 500 खन्थाइ फारिलाइ होनाय जों मोननो हायो। बेनिनो Top 15 आव दावखोलाय-दावख्लायलाय जानाय मख'जाथाव खन्थाइफोरा जाबाय-
1. Still I Rise by Maya Angelou
2. The Road Not Taken by Robert Frost
3. If You Forget Me by Pablo Neruda
4. Dreams by Langston Hughes
5. Annabel Lee by Edgar Allan Poe
6. If by Rubyard Kipling
7. Stopping By Woods On A Snowy Evening by Robert Frost
8. Do Not Stand At My Grave And Weep by Mary Elizabeth Frye
9. I Do Not Love You Except Because I Love You by Pablo Neruda
10. Television by Roald Dahl
11. Fire And Ice by Robert Frost
12. A Dream Within A Dream by Edgar Allan Poe
13. As I Grew Older by Langston Hughes
14. Alone by Edgar Allan Poe
15. Don'T Go Far Off by Pablo Neruda
गोजौआव रायखांनाय Top 500 खन्थाइगिरि आरो खन्थाइनि अनगायैबो जों मोननो हाबावो Top 500 Member Poem आरो Top 100 Poem Topics राननायखौ।
Poemhunter आव गोदान खन्थाइगिरिफोरनि थाखाय Rookie, Silver Member, Gold Star होनाय जायो। बोसोरफ्रोमबो Poemhunter आ गासै मोनगु बानथानि थाखाय Sponsor and Award खालामो। बेफोर जादों-
1. Ames Laughlin Award ($5,000)
2. Standley Kunits Memorial Prize ($1,000)
3. Literary Award ($1,500)
4. New Writers Story Contest
5. Bridpart Prize (€5,000 approximately $6,430))
6. Auburn Witness Poetry Prize ($1,000)
7. Annual Writing Competition ($5,000)
8. Housatonic Book Award ($1,000)
9. Poetry Chapbook Prize ($1,000)
बे मुगाया डिजिटेल मुगा आरो समाव बर’फोरखौ गुस्लायनाय महराव जों नुनो मोनदों। गोनोखो आरो बिरोंदामिननि दिहुनथायफोरा बर'फोरनि गोसोखौबो बोथाबनो हादों होननानै जों बुंनो हायो। बेबादिनो जों Poemhunter आव दासिम गासै सा नैजिबासो बर' खन्थाइगिरिफोर मोननो हायो। बिसोरनि मादाव गासैबो लाइमोनफोर। बिथांमोनखौ जों बाखोनायनो गोनां। बिथांमोनहा बेवहाय बर' रावखौ थिसननानै होदों आरो मुलुगाव बर' राव-थुनलाइखौ सिनायथि होनायनि खामानि मावदों। बिथांमोननि बेबादि हाबा मावनाया बर' राव-थुनलाइखौ मोजां मोननाय आरो बर' राव गेवलांथों होननायखौ मदद खालामनाय जादों। Poemhunter आव जों मोननाय बर' खन्थाइगिरिफोरा जाबाय फारियै-
1. बाहादुर बसुमतारी (जो: 1994): बिथांआ सिरां जिल्ला बेंठलनि। बियो बर' आरो इंराजि रावजों बेवहाय गासै दों दजिनै खन्थाइ फोसावदों। खन्थाइफोरा फरायनो मोजां आरो जोंनो गोबां बिथिंआवनो रादाब होनो हादों। बिथांआ दा बड'लेण्ड मुलुगसोलोंसालिनिफ्राइ राजखानथि आयदायाव आरिमु गोराखौ उथ्रिखांबाय।
2. रनजय ब्रह्म (जो.1994): बिथांआबो सिरां जिल्लानि। बर' आरो इंराजि रावजों गासै दों 1.868 खन्थाइ फोसावदों। दासिम बर'फोरनि गेजेराव बिथांआनो Poemhunter आव बांसिन खन्थाइ फोसावदों। बियो दासान्दि बेनि Popular Member खन्थाइगिरि। बिथांआ दासिम Gold Star मोननाया गोबाव जाबाय। गावनि खन्थाइ लिरनायनि थाखाय Top 500 खन्थाइगिरिफोरनि फारिलाइआव मासि मोननायखौ नुनो मोनदों।
3. सोरजि बसुमतारी: बिथांआ बेवहाय बर' आरो इंराजि रावजों गासै दों बाजि खन्थाइ फोसावदों। बिथांआ बाकसा जिल्ला दावघारानि। बियो सोरजि मुंनि गांसे खन्थाइ बिजाबबो दिहुनखांबाय।
4. दिदोमसा बसुमतारी (जो.1996): बिथांआ रांगाफारानि। दासिम दों नैजिबा बर' खन्थाइ फोसावदों।
5. बिदिन्द्र बसुमतारी (जो.1997): बिथांआ सिरां जिल्ला बाथ'फारानि। बियो दासिम नैजौ थामजिगु दों खन्थाइ फोसावदों। बिथांआ गावनि खन्थाइखौ जथायनानै थैनि लैथोमा मुंनि खन्थाइ बिजाबबो दिहुनखांबाय।
6. दिंग्राय बसुमतारी: दों थामजि थाम खन्थाइ फोसावदों।
7. आलबार्ट बसुमतारी (जो.1997): बिथांआ गौहाटीनि। इंराजि रावजों दोंसे खन्थाइ फोसावदों।
8. दैथुन बसुमतारी (जो.1991): बिथांआ सिरां जिल्लानि। बियो इंराजि रावजों दों जिस्नि खन्थाइ फोसावदों।
9. अ क बसुमतारी (जो.1994): बिथांआ सिरां जिल्लानि। बियो गासै दों जि खन्थाइ फोसावदों।
10. लाजाथाव बसुमतारी (जो.1995): कक्राझार जिल्लानि। बिथांआ दोंसे खन्थाइ फोसावदों।
11. रिंखां बसुमतारी (जो.1997): बियो सिरां जिल्ला बिजनिनि। दोंस्नि खन्थाइ फोसावदों।
12. क्रिस्टपार बसुमतारी: बिथाङा कक्राझार जिल्लानि। बियो इंराजि रावजों दोंसे खन्थाइ फोसावदों।
13. सागोर बसुमतारी: बियो दोंसे खन्थाइ फोसावदों।
14. जोमै बसुमतारी: बिथांआ सिरां जिल्लानि। इंराजि रावजों दोंसे खन्थाइ फोसावदों।
15. नबजित बसुमतारी: बिथांआ इंराजि रावजों दोंथाम खन्थाइ फोसावदों।
16. फ्रानजित बर' (जो.1995): बिथांआ बाकसा जिल्लानि। दोंसे खन्थाइ फोसावदों।
17. सोरां नार्जारी: बियो दोंसे खन्थाइ फोसावदों।
18. दनिराम नार्जारी: बिथाङा कार्बि आंलं जिल्लानि। बिथांआ गासै दोंस्नि खन्थाइ फोसावदों।
19. दैमासा ब्रह्म (जो.2001): बिथांआ सिरां जिल्ला फानबारिनि। बियो गासै दों जिथाम खन्थाइ फोसावबाय।
20. थफन ब्रह्म: बिथांआ इंराजि रावजों गासै दों दाइन खन्थाइ फोसावदों।
21. बिदुद ब्रह्म: बिथांआ इंराजि रावजों दोंथाम खन्थाइ फोसावबाय।
22. गुनाजित ब्रह्म: बिथांआ इंराजि रावजों दोंसे खन्थाइ फोसावदों।
23. निखि ब्रह्म: बिथाङा इंराजि रावजों दोंथाम खन्थाइ फोसावबाय।
24. बेसन सोर्गियारी: बिथांआ बाकसा जिल्लानि। बिथांआ इंराजि आरो बर' रावजों दों नैजिबा खन्थाइ फोसावदों।
25. जोहोलाव सोर्गियारी: बिथाङा दोंब्रै खन्थाइ फोसावदों।
26. दैमालु सोर्गियारी
3.0 थास्लिमनाय: जायफोरनि लिरनाय रावआ दावगाबाय मुलुगनि बेफोर गासै राव थुनलाइ बेवहाय जथायै जों मोननो हायो। Poemhunter आ मुलुगनि राव आरो थुनलाइखौ गावजोंगावनो सिनायलायनो हानाय आरो रुजुलायनो हानायनि खाबुखौ होदों। संबिजिरनो हानायनि मोजां खाबु होदों। मुलुगनां राव थुनलाइ सिबिनो खाबु होदों। बेबादिनो बर'खन्थाइगिरिफोर आरो फरायग्राफोरनि थाखायबो बेयो जुनिया हेफाजाब होदों बेखौ जों बुंनो हायो। बर' खन्थाइगिरिफोरा बेनि गेजेरजोंबो गावनि साननाय आरो आरिमुखौ फोसावनो हानाय जादों।
“Poemhunter offers a rich database of classic, contemporary, and modern poetry pieces. It features tens of thousands of poets from the classical age to the modern times.”
थारैनो बाथ्रा आरो गोसो मोदोम जों बे बिजोंखौ बाखोनायनांगोन आरो बरायनांगोन। बर’फोरा गावनि राव, थुनलाइ आरो हारिमुनि बाथ्राखौ बेनि गेजेरजोंबो मुलुगाव फोसावनो लायोबा दानि आरो इयुननि थाखाय मोजां हाबा मावनाय जागोन बेखौ जों रोखायै बुंनो हागौ।
0 Comments