गोरजिया- हिनजाव एबा बिहाव बिखुनजोनि नआव थानानै संसार जानायखौ बे सोदोबजों फोरमायनाय जायो।
बाथि गारनाय- बर' समाजाव बाहायजाफ्लेनाय मोनसे बर' गुबै सोदोब। बे सोदोबजों गोथै मानसिनि देहा-सोलेरखौ लांनानै हाग्रायाव गारहैनाय एबा हाखराव फबनानै दोनहैनायखौ फोरमायो।
बारमोदाय- फाखन जानानै जोबोद गोबारै बारनाय बार। बेबादि बारआ सम सम गिसि आरो सम सम जोबोद गोरान बारो।
बारहुंखा- जोबोद गोबारै बारनाय बार। बेबादि बारआ गोबां न'-बां, बिफां-लाइफां सिफायो आरो गोजानाव बुखारनानै लाङो।
बारदैसिख्ला- बोथोर गोदाननि अखा बारहुंखा। बैसागु बोथोर बबेखानि एफ्रिल दानआव बेबादि बारआ जोबोद गिलुबालुयै बार आरो दै जयै सिमब्रे सिमब्रा बारबोयो।
सारअन्थाइ- अखाजों फैफानाय अन्थाइ। बेखौनो आरअन्थाइ होननानैबो बुङो।
0 Comments