मावजिनि आदब

मावजिनि आदब

-सार! हमजाबा जोबोद गिनांगौ। आंथ' सोरबा उग्रपन्ति एबा मार्डारारखौ गिया। लोरोदबो मावा आंनि आथिङा बिसोरखौ। जिबौ फिथिगमनि सौनायखौबो गिया आं। नाथाय गिनांगौ सादा-बुसा रायजोफोरखौ। रायजोफोरनि साजाया हानजासे बेरेमानि जोनायबादि। सोरदि सौगोन उदैयाव, सोरदि जोगोन जानजियाव....। खोमा-गन्थं आखाय फारनैल’जों माबोरै दाहाल जाथेथ्रनो?

-जेबो जिंगा दासि। जों मावजिनि आदब बाहायगोन।

-मावजिनि आदब माने?

-खिनानै फबगोन।

-आरसा। खायदा बोराय।

-गोथाव गोथाव जानानै लांदां-फादां जायगायाव खिबा मोनामो, खिनानै फबनो रोंनांगौ।

दिनै फुंआवनो सिखारनानै गय बारियाव खिबाय बुदांआ। खदालजों हाखर जावबाय थादोंमोन बियो गावनि खिखौ फबनो होननानै। थिग बे समावनो मा खालामगासिनो दं बेलाइ बेबादि साननानै बिसिया बिनि सेराव फैनानै सोंबाय।

-मा खामानि मावदों नोंलाइ बेरे फुंजानि?

-माबा फबनो नागिरदों आं।

-मा माबासै बेलाइ?

-होद खिनथा जायालै।

मा खिनथाजालायै जाखो बेलाइ? माडार खिन्था आंनो।

बेबादि सोंनानै बुरैया नागिरबायबाय बहा मा दोनदों। बे समावनो बियो थाइलिर लाइयाव खि जुनायखौ द्ला गाद्लाबाय। गेसाव-मोनामबाय। बियो मुगैसोगारबाय आरो फुगारै फुगारै बुंबाय।

-मा एसे असायब' मानसि नोंलाइ? बे खिखौनो फबनो नागिरदोंमोन नामा नोंलाइ? फा मा नांनायनि खिखौलाइ फबनांगौ जाखो?

-जों मैया गानदा माहाजोननि बोरमा खासि खावनानै जादोंमोनलै बुरै। बेखायनो खिखौ मोनामजानो गिनानै आं फबनो नागिरदोंमोन।

-ए होनबा बोरमा सिखावा नोंबो। नोंखौ दानो गावबुरानो खिनथानानै हैथारनोसै आं।

गमामायैनो बुरैया गामि गोरानो खिनथानानै होमारनायसै। बेबादिनो गामिनि मानसिफोरा बोरमा सिखावखौ हमनो मोननायसै। सिखावफोरा बयबो साफायाव बाजौ थाइसे बाजौ थाइसे रां जुरिमाना होनांनायसै।

(22 /05/ 2019)