लाउखार लाखिनाय एबा थानाय

बुहुमनि गोबां मानसिफोरानो दिनैसिमबो आबादनि सायाव सोनारनानै थांनानै दं। गोदो -गोदायनि बांसिन मानसिफोरानो आबादनि सायाव थांनानै थायोमोन। गामिनि मानसिफोरा बुंनो थाङोब्ला बांसिन आबादजों सोमोन्दो दं। नोगोराव थाग्रा मानसिफोरा बांसिन बेफार-फालांगि, दुखान होनाय आरो साख्रि मावनानै जिउ खांनायखौ नुनो मोनो।

गामियारि समाजाव गोदो समाव जायफोरहा गोबां दोहोन दौलद थायो बिसोरहा गावसोरनि दोहोनफोरखौ बेंनो थाखाय गुबुननि मानसिफोरखौ बिथन होनानै लायोमोन। जायफोर निखावरि बिसोरो माहाजोनफोरनि नआव बैनानै एबा खामानि मावनानै जिउ खांनो नाजायोमोन।

बर' समाजाव गोबां रोखोमनि बेबादि बैनाय एबा गुबुननियाव थानानै खामानि मावनायखौ नुनो मोनोमोन। बेफोरनि मादाव लाउखार थानाय, बखालि थानाय, दाहोना आरो रुवाथि थानाय ।

लाउखार थानाय: सरासनस्रायै लाउखारनि खामानिया जादों मोसौ गुमनाय । लाउखारा फुंनिफ्राइनो सानसेमानि माहाजोननि मोसौफोरखौ गलिनिफ्राइ हुरननानै हाग्रा एबा फोथाराव होलांनानै गुमहैनो गोनां जायो। फुंनि समाव मोसौ गायखौ गायखेर सेरनायाबो लाउखारनिनो खामानि। बेबादिनो ननिफ्राइनो ओंखाम थफ्ला लानानै थांना बेखौनो जानानै थानांगौ जायो। बेबादिनो जेब्ला मोनाबिलि जायो एबा साना हाबहां जायो होनबा बियो मोसौखौ मोजाङै होना लाबोनानै गलियाव खाफैनांगौमोन। माफ्रोमबो मोसौखौनो लाउखारा उदै बुंजासे गांसो जाहोनानै लाबोनांगौ जायो। बेनो लाउखारनि खामानि। हौवासा गथ'फोरासो लाउखार जानो मोनो। हौवासा गथ'फोरनि अनगायै बोरायसा मानसिफोराबो लाउखार जानो मोनो।

सो या