बर' बिजों सान

बर' रावखौ बिजों महरै गुदि फरायसालियाव 1963 मायथाइनि 18 मे खालारखालि दानि कक्राझार जिल्लानि सिङाव थानाय दतमा ब्लकनि सिङाव गायसनजेनदोंमोन। बै समाव आसामनि गिबि मनथ्रिया बिमला प्रचाद सालिहा।

गुदि फरायसालिनि उनाव फारियै गेजेर फरायसालि, गोजौ फरायसालि आरो आथिखालाव बर' रावखौ मुलुगसोलोंसालियाव फरायनो मोननायनि थाखाय खाबु मोनफैबाय। बे सानखालि बर' थुनलाइ आफादनि फिरफिलाखौ बिरहोनाय जायो। बर' राव आरो थुनलाइनि थाखाय गावनि जिउखौ बाउसोमलांनाय गेदेमा सुबुंफोरखौ बे सानखालि गोसोखांनाय आरो मान बाउनाय जायो।

आथिखालाव बर' थुनलाइ आफादआ बोसोरफ्रोमबो 18 मेखौ बर' बिजों सान हिसाबै फालिबोबाय थादों। बर' थुनलाइ आफादल' नङा आसामनि गुबुन गुबुन जिल्लाफोराव थानाय बर' बिजोंनि फरायसालि आरो फरायसालिमाफोरावबो बर' बिजों सानखौ थुनलाइयारि बादायलायनाय आरो हारिमुवारि बादायलायनायजों बेखौ फालिनाय जायो।