नोङो सोरनिबा नङा सोरनिबा हेफाजाबखौ मोनगोन

नोङो सोरनिबा नङा सोरनिबा हेफाजाबखौ मोनगोन

सासे सानै मानसिया नोंखौ खैफोदनि समाव हेफाजाब होनो हाया जानो हागौ एबा नोंखौ गोसो जानानैनो हेफाजाब होआ जानो हागौ। नाथाय बेनि थाखाय नों गासै मुलुगनि सुबुंखौनो हेफाजाब होनाय नङा होननानै दासान। गावखौनो माब्लाबाबो हेफाजाब गैजायै दासान। हेफाजाबखौ नोङो गमामा थारैनो मोननो हागोन। नोंखौ हेफाजाब होग्रा सुबुं मुलुगाव गोबां दं।

जुन दाननि जोबहां समाव आंनि सासे फरायसाया जोलुर गेलेनायाव मोनसे गेदेर जोखोम जाजानानै बङाइगाव सहरनि गंसे देहाफाहामसालियाव फाहामथाइ लानो गोनां जादोंमोन। फरायसानि नखरा जोबोद गोरिबमोन। रांनि जोबोद आंखाल । बेखायनो फरायसालिनि सायाव आसा खालामहरदोंमोन।

फरायसालिनि आंनो गोरायुं जानायलाय आंनो जोबोद गिलिर बिबानखौ लानांगौ जादोंमोन। माबोरैबा आं फरायसाखौ फाहामथाइ होनो हायो बेनि थाखाय रांनि गोनांथिखौ सानदोंमोन। सानसे आं आंनि सानै फोरोंगिरिखौ लानानै हेहाफाहामसालिसिम थाङो आरो 10,000 रां होनानै होफैयो। नाथाय बे रांआनो थोजासे नङा। फरायसानो गोबां थै नांगौ, गोबां रां नांगौ जादोंमोन।

सोरखारनिफ्राय मदद मोननो हायो नामा बेखौ साननानैबो जों आइ एसनिसिम थाङो। नाथाय सोरखारनिफ्राय नांगौबानो मोनगोन बेखौ आसा खालामनो हाया। सोरखारनि अनसुंथाइखौ मोननो थाखाय सम नांगौ एबा नेनांगौ जायो।

मा खालामबा गाहाम जागोन बेखौ सानसनो हायाखिसै आं। नाथाय आं जेरैखिजाया माबा मोनसे खालामथारनांगोन बेखौ साननानै ड० अजित बर’ सारनिसिम सानसे हरनि समाव फन खालामहरबाय। बिथाङा आंनो माखासे बोसोन होबाय।

बेबादिनो आं अनसुंथाइ बिनायनि खामानिखौ मावबाय। गांसे अनसुंथाइ बिनायनि आं हरनि गेजेरावनो आर’ज बिलाइ लिरबाय। साननैनि गेजेरावनो आंनो सा नैजौसो सुबुंफोरा गासै 36,000 अनसुंथाइ हरदोंमोन।

जोबथारनायाव जों जोंनि फरायसा फ्रबिद बसुमतारीखौ हेफाजाबनो होनो नाजानानै 67,050 रां रांनि अनसुंथाइखौ हरनो हादोंमोन।

बेखायनो खैफोद आफोद जायोबाबो गोसो दाबाय। रावनिबो मदद मोननाय नङा दासान। आखाय खबजब, मददखौ बिनो नाजा। सासे सानै सुबुङा नोंखौ मदद होखानाय नङा, नाथाय बिसोर नोंखौ मदद बिनायनि थाखाय लाजि फोनांनोबो हागौ। थेवबो नोङो मुलुगनि गोबां सुबुंफोरनिफ्राय मददखौ मोननो हागोन। मुलुगाव सुबुंखौ हेफाजाब होनो होननानैनो गोबां सुबुंफोरा दिनैसिमबो थांनानै दं।