दाउफोरनि हामा होननानै बबे हादोरखौ मिथिनाय जायो?

बुहुमाव गोबां हादोरफोरानो गावसोरनि एखुथा हाग्रानि जिब आरो मिथिंगायारि समायनानि थाखाय मिथिजानाय एबा मुंदांखा। माखासे जायगाफोराव गोबां रोखोमनि दाउफोर दं जायफोर बै जायगाखौ दाउफोरनि अनजिमानि थाखाय मुंदांखा खालामो। बे हादोरफोराव आगोमा आरो गाब गोनां दाउ हारिफोर दं जाय बुहुमनाङै दाउ मोजां मोनग्राफोर आरो मिथिंगा गोसो गुदुंफोरखौ गोसो बोहोयो। बिसोरनि अरनबारि, हाजो-हाला आरो बोरिमायारि ओनसोलफोरा बेफोर समायना जिबफोरनि थाखाय मोनसे आबुं न' , जाय बिसोरखौ दाउ नायगिरिफोरनि थाखाय जोबोद गोसोबोनो हाथाव खालामो। नोंथाङा निउजिलेन्डखौ मिथिगौना? बे हादोरखौ दाउफोरनि हादाब होनना मिन्थिनाय जायो मानोना बेयाव गोबां जुनिया आरो मोननो थाङै दाउ हारिफोर दं। लाख-लाख बोसोरनिफ्रायनो बे हादोरनि एखुथा जानाया बिनि दाउफोरखौ हानि आहार जाग्रा जुनारफोरनि सिगिनाय एब मैहुर खालामनाय गैयालासे जौगानो खाबु होदोंमोन।