बयनिख्रुइबो खुसिसिन हादोर फिनलेन्ड

नोंथाङा थारैनो फिनलेन्ड हादोरनि मुंखौ खोनाबाय जानांगौ। बुहुमनि बयनिख्रुइबो गोजोनसिन हादोरफोरनि मादाव बेयो गंसे। बे हादोरनि सुबुंफोरा बयबो जोबोद खुसियै थानो हानायनि माखासे सोलोंनानै लाथाव बिदिन्थिफोर दं । बेफोरनि फारसे गोसो होयोबा मोनफ्रोमबो हादोरावनो बेबादि मोजां थासारिया दाफुंजानो हागौ। सरासनस्रायै फिनलेन्डनि गोमोथाव मिथिंगायारि नुथायफोर, खामानिनि समानथाय जाय थारैनो खामानि मावो ओरैनो गोजोननाय लानो हानाय आरो मिथिंगानि फारसे गोथौ मोजां मोननाया हादोरनि मोजां लैखोन । बिसोरनि सुबुं समाजनि फारसे गोख्रों मोन्दांथि आरो सोरखारनियाव फोथायनाया फिनलेन्डनि गासै सुबुंफोरनि जिउखौ गोजोननायल' नङा नाथाय गोथौवै जिउनि रंजानायखौ आबुं खालामदों जेराव दुखु जानांगौनि जेबो आंखालानो नुजाथिनो हाया । बिथांमोनहा जेब्लाबो गावनि आरो सुबुं समाजनि फारसे जोबोद सांग्रां। गावखौ आरो गुबुनखौबो बेसेन होनाय आरो मान होनाया बिसोरनि मख'जाथाव आखु । जाय खामानिखौ मावोब्ला गावनि खैफोद जागोन आरो गुबुननि दुखु जानांनायनि जाहोन जानो हागौ बेनि थाखाय बिथांमोनहा जेब्लाबो गोसोआव लाखिनानै सोलियो ।