लाजिबा खाजि गोमायो

रैसुमै आरो सोरांसि देग्लाय बिब' आरो बिनानाव खेबसेनो थाखो दाइन मोनबाय । थाखो दाइन मोनबाथाय फरायसालियाव दखना गाननानै थांनांगौ जायो। बेनिखायनो फरायसालिया जागायफिननायनि सिगांनो दख'ना दानांगौ होननानै दिनै ननि सिथ्लायावनो सि सोंदों। बिब' आरो बिनानाव सानै लोगोसे बिमा । दान्दिसे उनाव गामिनि समबारि आरो लावगिमोनहाबो नआव जेबो खामानि गैयैलाय नायनो होनना फैदोंमोन । बिसोरबो लोगो लाफानायसै।

सान्दुं गोसाथार । बेबादि समावनो मा मोनगोन मा मोना रैसुमै बिमाया बारिनिफ्राय नारें लेबुखौनो थाइब्रै खानानै लाबोबाय । मोदोमफ्रु मोदोमलायनाय संख्रि, बानलु आरो दुनदिया होलायनानै खाजि लगायबाय ।

जानाय समाव बयबो जाबाय । गन्थंजों दै गलायनाय जाबाय । बेबादि समाव गामिनि बालेंस्रिया सफैदोंमोन । रैसुमैया जानो जासिदोंमोन। लाजिनाय मोननानै बियो जाया, ओंखाम जायागारा दासो ओंखाम जानानै फैदों होनना बुंबाय । बेबादिनो बियो खाजिखौ आनदायबाय। नाथाय बियो जोबोद जानो लुबैदोंमोन।