थाइजौ बिफां

थाइजौ बिफां

(राव सोलायनानै होनाय)

गंसे गामिनि गेजेराव फांसे गिदिर थाइजौ बिफां गसंना दंमोन।

गोबां बोसोरनिफ्रायनो बियो बयनिबो जिउनि मोनसे बाहागोमोन।

गथ'फोरा बिनि दालाइफोराव गाखोदोंमोन।

दावबायारिफोरा बेनि सायख्लुमाव जिरायदोंमोन।

दाउफोरा बेनि सायाव बासा बानायदोंमोन।

बोसोरफ्रोमबो गोलोम बोथोराव बियो गामिनाङैनो गोदै थाइजौ होग्रामोन।

मानसिफ्रा बे बिफांखौ मोजां मोनोमोन।

उनाव मोनसे गोब्राब बोसोर फैदोंमोन।

अखा हानाया खममोन।

बिदुंआ गोब्राबमोन।

हाया गोरान जाजोबबायमोन।

बिफाङा जुजिथाबदोंमोन।

बियो थांना थानो थाखाय सिगांनिख्रुइ बांसिन खस्थ' खालामदोंमोन।

गोलोम बोथोर फैब्ला बिफाङा थाइजौ फिथाइ होयोमोन।

बियो दासिमबो सायख्लुम होयो।

बेयो दासिमबो बयनिबो थाखाय गोख्रोङै गसंना दं।

नाथाय थारैनो थांनाय बोसोरफोरनिख्रुइ थाइजौ फिथाइनि अनजिमाया खममोन।

बेबादिनो उनाव अजदफोरा जागायजेन्दोंमोन।

"थांनाय बोसोराव गोबां थाइजौ फिथाइ दंमोन।"

"बिफाङा थोजासे होयाखै।"

"जों बांसिन मिजिं थिदोंमोन।"

रावबो मानसिया सोङाखैमोनदि बे बोसोरा बिफांनि थाखाय बेसेबां गोब्राबमोन।

सासेबो मानसिया सानाखैमोनदि बेखौ होबाय थानो थाखाय बेसेबां खस्थ' खालामनांदोंमोन।

सानसेखालि सासे बोराय बागानिया अजद खोनानानै गामिनि मानसिफोरखौ ज' खालामदोंमोन।

बियो सोंदोंमोन, "जुदि सासे बिफाया गोब्राब बोसोरनि समाव गावनि न'आव जेसेबां हायो बेखौ लाबोयोब्ला, बिनि नखरा खालि गैयैखौल' गोसो होनो नांगोन नामा?"

गामिनि सुबुंफोरा सिरि थाबाय थादोंमोन।

बियो बुंबावदों, "जुदि सासे फोरोंगिरिया सासे फरायसाखौ जौगाहोनायाव गोबां दानफोर हगारो, अब्ला फरायसाया खालि बै नम्बरफोरखौल' गोसोआव लाखिनांगोन नामा जायखौ बियो मोनाखै?"

अब्लाबो रावबो रायज्लायाखैमोन।

अब्ला बियो बुंबाय, "जुदि बबेबा आफादा जेंना गोनां समाव खाबु, बान्था, बेथन सोदांनाय, बोनस, प्रमसन, फोथायनाय एबा मददनि गेजेरजों गावनि सुबुंफोरखौ बाखनायदों, अब्ला मानसिफ्रा जेखौ आसा खालामदोंमोन नाथाय मोनाखै बेखौल' नायनांगोन नामा?"

गामिनि मानसिफ्रा खर'खौ गाहायाव दोनबाय।

बागानिया लासैयै मिनिस्लु जाबाय।

"मिजिं थिनाया मिथिंगायारि बाथ्रा। जों बयबो आसा खालामो।"

"नाथाय गियान होनाया बेनि आन्दोआव थानाय नाजानाय, थांखि आरो थासारिखौ बुजिनायाव थायो।"

अब्ला बियो थाइजौ बिफांथिं इसारा होदोंमोन।

"बे बिफाङा बे बोसोराव जेबो होनो हायामोन।"

"थेवबो बियो जेसेबां हायो बेखौ होदों।"

"जेब्ला मिजिं थिनाया सनमाननिख्रुइ देरसिन जायो, अब्ला मानसिफ्रा मा होनाय जादोंमोन बेखौ नायनो नागारो आरो जाय मोनाखै बेयावल' गोसो होनो हमो।

गामिया सिरि-सिरि जानायसै।

गिबि खेबनि थाखाय बिसोर बिफांखौ गुबुन रोखोमै नायदोंमोन।

बियो जेसेबां थाइजौ फिथाइ दिहुनदोंमोन बेनि थाखाय नङा।

नाथाय बे बाथ्रानि थाखायसो जे मोनसे गोब्राब बोथोर थासेयावबो बियो फिथाइ होबाय थादोंमोन।