सोमोनांथाव फोरमान होनाय

भारतनि अदिसा हादोरसानि खेवझार होननाय मोनसे जायगायाव सासे मानसिया सोमोनांथाव खामानि मावदोंमोन।

बिथांनि मुङा जितु मुन्दा। बैसोआ बाजिनैसो जाबाय। बिथांनि बाजिद बोसोर बैसोनि बिब' करला मुन्दाया माखासे दाननि सिगां रुंसारि जादोंमोन। थैनायनि बियो बेंकआव रां दोनथुमनानै गालांदोंमोन। बिथांनि बेंक एकाउन्टआव 19,300 रां दंमोन आरो बेखौ दिहुननो थाखाय बिथाङा गले गले बेंकआव थांनो गोनां जादोंमोन।

बेंकनि मानसिफोरा जितु मुन्दा बिथांनियाव थैनायनि फोरमान बिलाइ बिदोंमोन। बिथाङा थैनायनि जेबो फोरमान बिलाइ होनो हायाखैमोन। जायनि बिथाङा जोबथारनायाव गोथै हाखरनिफ्रायनो गोथैनि हारा-बेगेंखौ जाखांनानै बेंकसिम बाननानै लाबोदोंमोन। बे जाथाया थारैनो बयखौबो सोमो नांहोदोंमोन।