सानै बिमा आरो बिफानि आलाय सिलाय जानाय
मोनसे गामियाव मोनसे जोबोद गोजोन नखर दंमोन। नखराव बिमा, बिफा आरो सासे नायल'-जाल' फिसाजो दंमोन। फिसाजोआ सिख्ला देरनाय समसिम बिसोरनि नखराव जेबो आंखाल आरो दुखु-दाहा गैयामोन। बेबादिनो बिसोरो गावसोरनि नायल'-जाल' सासेल' फिसाजोखौ जोबोद दाव दाव अननायजों फेदेरदोंमोन । बिखौ गोजानाव दोनहरनानै फोरोंदोंमोन ।
मोनसे समाव फिसाजोआ जुलि जानायनि बैसो जाबायमोन। बिमा आरो बिफाया बिखौ जेरावबो जुलि हरनो गोसो जायाखैमोन, बबेखानि बिसोरो सासे अनसुला सेंग्रा नागिरनानै बिखौ हाबा होनानै नआवनो लाखिनो थाखाय सानदोंमोन।
फिसाजोआ फरायनाय समावनो सासे सेंग्राजों गोसोथोलायदोंमोन । बिजों फरायनाय जोबनायनि उनावनो जुलि जानायनि रादायबो खादोंमोन ।
सानसेखालि गावनि गोसोथोनाय सेंग्राजोंनो फिसाजोआ जुलि जानायसै। गावनि जुलिखौ जोबोद गेदेर खुंनानै होनो थाखाय फिसाजोआ बिमा आरो बिफाखौ खावलायदोंमोन । फिसाजोनि खावलायनाय बादिनो बिमा आरो बिफायाबो दंनायमानि हाखौ फाननानै हाबाखौ जोबोद गेदेर खुंनायसै। हाबाया जोबनानै थांनायसै।
हाबानि उनाव फिसाजोआ गावनि बिमा आरो बिफाखौ गोसोखाङाखिसै। बियो गावनि बिमा आरो बिफाखौ खेबसेबो नायनो थाखाय फैयाखिसै। बेबादिनो बोराय आरो बुरै बैसोआव बिनि बिमा आरो बिफाया आलाय सिलाय जादोंमोन । गावनि फिसाजोखौ बिसोरो नायनो लुबैबाबो नुनो मोनाखिसै। लोमजाब्ला-साजाब्लाबो बिसोरखौ फिसाजोआ नायनो फैयाखिसै ।
गुबुन सल'खौ आरोबाव फरायदो-
0 Comments