मोनसे गामियाव सासे गथ' दंमोन। बियो सानसेखालि दुब्लियाव बिमाजों थांफादोंमोन। जेब्ला बिमाया दुब्लियाव खामानि मावबाय थायो बे समाव गथ'आ हारसिंनो गेलेदोंमोन। गथ'आ दुब्लियाव गेलेयै गेलेयै बिमानि गोजान जालांदोंमोन आरो बिमायाबो गोसो होनानै खामानि मावनायाव बिखौ बावगारलांदोंमोन।
दुब्लि गेजेरावनो फांसे जोबोद गेदेर बिफां दंमोन। बेवहायनो सानफ्रोमबो मासे गेदेर सिलाया बानानै थाबाय थायोमोन। सम सम बे सिलाया मानसिफोरनि दाउ, अमा फिसा आरो बोरमा फिसा साबनानै लांबाय थायोमोन। बियो बै सानखालि गथ'खौ नोजोर हरबाय थादोंमोन। जेब्ला गथ'खौ बिमानि गोजान जानाय नुहरो अब्लानो बियो गावनि मोदोम, गांखं आरो आसुगुरखौ गोरा खालामनानै लाबाय । बेबादिनो बियो गथ'खौ साबखांनानै लानानै थांबाय।
सिलाजों साबनानै लानानै थांजानाय गथ'आ होख्राव-होख्राव गाबदोंमोन। बिमाया नुहरनानै होख्राव-होख्राव होसोदोंमोन। गामिनि मानसिफोरा अख्रां साजों सासे गथ'नि गाबनाय खोनानो मोनदोंमोन। नाथाय गथ'खौ सिलानिफ्राय रावबो रैखा खालामनो हायाखिसै। सिलाया जोबोद गोख्रै गावनि गांखंखौ सिबनानै अख्रां साजों गथ'खौ मोनसे जोबोद गेदेर अरनबारियाव लानानै थांदोंमोन।
0 Comments