थाइजौ फिथाइनि आबाद

गोजौवाव नुनो मोननाय फिथाइनि मुङा जादों थाइजौ। सरासनस्रायै थाइजौ फिथाइखौ मोनजानाय मानसिफोरा मिथिगौदि बेयो जानो गोखै। मोनोब्ला जानो गोदै जायो। जोलै आरो हानि गुननि सायाव सोनारनानै खायसे थाइजौवा गोथां समावबो जानो गोदै आरो गोथाव जायो।

थाइजौवा सरासनस्रायै गोलोम बोथोरनि फिथाइ। खायफा ओनसोलाव थाइजौखौ गोदान आदब बाहायनानै मेसें बोथोरावबो आबाद खालामनायखौ नुनो मोनो। भारत हादोरनि बिहार आरो उत्तर प्रदेश रायजोवाव बेबादि रांखान्थियारि नोजोरजों आबाद मावनायखौ नुनो मोनो। 

गामिनि मानसिफोरा थाइजौ फिथाइखौ गोथाङै खाजि जायो, गोमोनखौबो खाजि जायो आरो गोसो जायोब्ला आसार खालामनानैबो जायो। आथिखालाव थाइजौ फिथाइ गोमोननिफ्राइ बिदै सेबनानै हाथाइ-गलायाव फाननाय नुनो मोनो। बेनि अनगायैबो थाइजौ फिथाइखौ सक्लेट बानायनाय आरो गुबुन गुबुन रोखोमनि जाग्रा मिथाय दिहुननाय नुनो मोनो।

बयबो थाइजौ फिथाइखौ जानो मोजां मोनो । थाइजौ फिथाइफोरनि आबाद खालामनानै सासे सुबुङा आथिखालाव गोबां रांखान्थियारि मदद मोननो हायो, नाथाय रांखान्थियारि मददल' नङा फिथाइफोरनि आबाद मावनाय आरो बेखौ जोथोन खालामनायाव जोबोद गोजोननायबो दं ।

मिथिनो गोनां बाथ्रा:

1.बर'फोरा थाइजौ बिबार बारनायखौ मावलिनाय होननानै बुङो।

2.बबेबा बोथोराव गोबां थाइजौ बिबार मावलियोबा बारहुंखा फैगोन होननानै बुङो।

3.थाइजौ बिबार मावलिनाय समाव दाउ खौऔवा दालाइयाव बानानै गाबफैयोबा थाइजौ फिथाइखौ गोदै जायो होननानै बुङो।

4.थाइजौ मादालि एबा बेगरखौबो उखुमाव गारखोना फोराननानै बर' गोदोनि समाव देख्रुबनानै जायोमोन।

5.हायाव गारनानै दोननाय थाइजौ मादालिया बिफां फुलि जायोब्ला बेगरखौ दिहुननानै गथ'साफोरा गोदोनि दिनाव आदिदिगा बिलाइजों फेम्फा दामोमोन।

(आमटेकायाव थानाय गुरुदेब कालिचरण ब्रह्म एकाडेमिनि थाइजौ फिथाइ)