मानै बिलोगो दाउसिननि सल'
फांसे गामबारि बिफाङाव मानै दाउसिनफोरा मोनसे समावनो बासा बोदोंमोन। बिसोरो मानैजों उन्दै समनिफ्राइनो जोबोद लोगोमोन। मानैबो गावबागाव खाथि खाथि समायना बासा बानायनानै बिदै दैनायसै। बेबादिनो बिदैखौ गनो हमबाय। दाउथुनि दैनै बिदैनिफ्राइ फिसा जोनोम जाग्रोबाय । बेबादिनो जोबोद खुसिजोंनो बियो गावनि फिसाफोरनि थाखाय फुं, सानजौफु आरो बेलासि आदार नागिरनानै दौफैबाय । सानसेखालि दाउथुवा दाबसे गोजान जायगायाव आदार नागिरनो थांदोंमोन बेबादि समावनो हरखाब गिलुबालु बारहुंखा बारनो हमबाय। गिलुबालु अखाबो हाबाय । बिदै गबाय थानाय बगलरिद दाउसिना दाउथु फिसाफोरखौ जोबोद अनखांनायसै आरो खाथियाव फैनानै बिसोरखौ गोबाख्रबनानै अखानिफ्राइ रैखा खालामनायसै। नाथाय ओजों बगलरिद दाउसिननि बिदैया हायाव गोग्लैजोबनानै गेब्रुजोबनायसै। जेब्ला दाउथु बिमाया गावनि बासा फारसे बिरबिफिनो होनबा बियो गासैबो दुखु गोनां खौरांखौ बगलरिद दाउसिननिफ्राइ खोनानो मोननायसै आरो जोबोद दुखु मोननायसै।
0 Comments