मासे दाउथु आरो जिबौ फिथिगम
फांसे नालेंखर बिफाङाव मासे दाउथुवा बासा बोदोंमोन। बेबादिनो बिदै दैनानै मोनसे समाव बिदैनिफ्राइ मानै फिसा जोनोम जादोंमोन। गावनि फिसाफोरखौ थिग समाव आदार दौदोंमोन बेबादिनो गावनि फिसाफोरजों बियो जोबोद खुसियै थायोमोन। सानसेखालि मासे जिबौ फिथिगमा नालेंखर बिफाङाव मानखोदोंमोन आरो दाउथु फिसाखौ जानो थाखाय नाजादोंमोन। बेबादि समावनो दाउथु बिमाया जोबोद जिंगा सिनायसै आरो गोसा गोसायै होस्रिख्रावनो हमनायसै। दाउथु बिमानि गाबनायखौ खोनानानै गोबां दाउथुफोरा फैनानै जिबौ फिथिगमखौ खेबनो नाजानायसै। नाथाय बिसोर जेबो खालामनो हायैयाखिसै। थिग समावनो उखैहाबनाय मासे सिलाया मैहुराव ओंखारदोंमोन। बियो मा जादों होननानै बिरबोनानै नुसनफैनायसै। सिलाया जिबौ फिथिगमखौ खेबनो नाजानायाव जिबौ फिथिगमा गिनानै नारेंखर बिफांनिफ्राइ ज्रुम बारज्रुमनानै खारनो हमनायसै अब्लासो दाउथुवा रैखा मोननायसै।
0 Comments