साना गासैनिबो गोहोनि फुंखा
उन्दै समनिफ्राइनो जों जोंनि मेगन थाइनैजों सानखौ नुबोगासिनो दं। फुंनि समाव जों सानखौ सानजा फैसालियाव जारौरौ समायना महर लानानै नुजाबोनायखौ नुनो मोनो। सान ओंखारबोनाय लोगो लोगोनो बुहुमा सोरां जायो। खोमसिया गोमालाङो। बेनि उनाव साननि गोहो आरो बिदुंआ लासैनो बारायलांबाय थायो। बेबादिनो बेलासि समाव सानखौ सोनाब फैसालियाव दोबैलांनायखौ नुनो मोनो।
सानखौथ जों जोंनि थाइनै मेगनजों नुबोगासिनो दं नाथाय बियो जोंनि थाखाय माबादि हेफाजाब होदों बेखौ जों गासैबो साननोनो नाजायाखै। सान गैयामोनबादि मा जागौमोनथाय बेखौ जों बुंसनोनो हाया। जानो सान गैयामोनबा बुहुमा अराय सम खोमसियैनो थागौमोन। सान गैयामोनबा बुहुमाव जेबो बिफां-लाइफां जोनोम जानाय नङामोन, बुहुमा जोबोद गुसु जानानै थागौमोन, लैथो-लैथोमाफोरा बर’फ जानानै थागौमोन, जिब-जुनारफोर थांनानै थानो हानाय नङामोन, जानो थाखाय जिब-जिबिफोरा आदार नागिरनानै मोननाय नङामोन।
सानआ जोंनो बिदुं, सोरां आरो जिउ होयो। बेयो सासे गेदेर फोरोंगिरि । बेयो जोंनो सानफ्रोमबो थांनानै थानायनि बेसेन गोसा आयदा फोरोङो। मोनसे मख’जाथाव आयदा जायखौ जों साननिफ्राय सोलोंनो हायो बेयो जाबाय गोहोनि फुंखा आरो गुबुननो गोहो होनाय। साननि बिदुं आरो सोरां होनायजोंनो जों मावनो हाथावना बादियै गासैबो खामानिखौ मावनो हायो आरो जानो हाथावना बादियै जानो हायो आरो रंजानाय लायो। गासैबो खामानिखौ मावनो थाखाय सानआ थुलुंगा, गोहो आरो गियानफोरखौ होयो।
सान थानायनि थाखायनो दिनै बुहुमाव सोरां, थोजासे बिदुं आरो बायदिसिना जिब-जिबिफोरनि सोरजिनाय। साननि सोरां थानायनि थाखायनो जिब-जुनारफोरनि मेगन नुनाय आरो हान्थिनानै आदार नागिरनानै जानाया जानो हादों। हाजोआव थानाय बर’फ थुबुरफोरा साननि बिदुंजों आवलिनानै दैमा-दैसा, लैथो आरो लैथोमाफोराव नांगौ बादियै दैया बोहैबाय थादों।
0 Comments